Dîlan Babat

 

ANQARA - HDK bi şîarê 'Ma şaristanê xo qal kenê' bi 6 sernameyê ke foruman bîyarê ca û do cinîyan dir metodê pêşnîyazê awankerdişê ciwîyayîşêke newe û azadwaştox munaqaşe bikero. 

 

Kongreya Demokratîke ya Şaran (HDK) a Anqarayî bi sernameyê 'Ma şaristanê xo qal kenê' 15ê Çileyî de forumê 6 sernameyî ra yenê ca de destpêkerd û do 12ê  Adare de peynî bêro. Forumo 15ê Çileyî de ameyo kerdiş de sernameyê 'Şaristanê ma de meselayê kal û pîrî û teqawidî ciwîyenê' ame munaqaşekerdiş. 5ê Sibate de zî do binê sernameyê 'Şaristan, ca û cinî' meselayê cinîyan û rayîrê têkoşîne bêro munaqaşekerdiş. 

 

12ê Sibate de zî do meselayê 'Resîye, enerjî û weşîye' bêro ziwan û rayîrê çarevînayîşî do bêro munaqaşekerdiş. 26ê Sibate de forumo ke 'Şaristanê ma, awe, hewa û zexîreyê pakî' do bêro ca. Forumo peynî zî do bi sernameyê 'Demokrasîya mintiqayî û Konseyê şaristanî' û do 12ê Adare de bêro ca. 

 

Vervatoxa HDKyê Anqarayî Emek Aytaç derheqê foruman de qisey kerd. 

 

‘Pîlkerdişê têkoşînê hegemonyaya îdeolojîkî’

 

Emeke da zanayene ke bi sernameyê 'Ma şaristanê xo pawenê' lazimî qiseyanê probleman rê vînayê û sernameyo yewin o ke forum ca ardê û xebatêke xoser kerdê. Emeke wina vat: "No di serrî yo ma giranî danê nê xebatan. Nê xebatî serê di babetê muhîmî yê HDKyî de yê ke muhîm vînayo ameyo awankerdiş. A yewine, awankerdişê meclîsî û organîzebîyayîşê mintiqayî de bî. A dîyine zî têkoşînê hegemonyaya îdeolojîk bî. Nê foruman de ma serê meseleyanê ciwîye yê rojaneyî vejîyayê rayîr û ma amanc kenê ke nuqteyê îtîrazî de û vengdayîşî de avêr şêrê. Hedefê ma pîlkerdişê têkoşînê hegemonyaya îdeolojîk ke hetê hemverê sîstemî yo." 

 

‘Ma do pîya çareserî bivînê’

 

Emeke dîyar kerd ke do sernameyê 'Şaristanê cinî û warî' zî munaqaşe bikerê û vat, bi sernameyê sîstemê 'pederşahî'  û sînorkerdişê sîstemê kapîtalîstî  ciwîyayîşê rojaneyî zî şekl beno û wina derg kerd: "Hedefê ma no yo ke ma meseleyê ciwîya rojaneyî yê cinîyan munaqeşe bikerê û wina avêr bikewê. Hetê cayî de vatişê hereketê cinîyan ê Anqarayî de esto. Cinî do meseleyê şaristanî de ciwîyenê munaqaşe bikerê û serê waştişanê xo de vinderê. Tirkîya de demokrasîya bûrjûva zî çinî ya. Ma na rewşe sey rejîmê yew mêrdeyî bê, name kenê. Ma do meseleyan têreyde munaqeşe bikerê û çareserî bivînê." 

 

Seba cinîyan veng: Ma bi têkoşîn eşkenê qezenc bikerê. Emeke dewamkerdiş de îzah kerd ke meseleyê ke cinî tewrê ciwîyayîşê komele bibê yenê ciwîyayîş û wext bi wext zî organîzebîyayîş zî beno mesela. Emeke, bale ante serê şîarê HDKyî yê 'Ciwîyayîşo newe' û nê çî ardî ziwan: "Cinî ciwîyayîşo rojane de yenê qeydkerdiş.  Ma bi têkoşîne eşkenê duştê sîstemî de vinderê û ser de bikewê. Hêza tewr pîle organîzebîyayîş o. Ma cinî pabeyê roniştişê 5ê  Sibate yê Anqarayî yê."