RIHA - Emîne û Ferît Şenyaşar, ê ke têkoşîna xo ya edaletî roja 321î de domnenê, serê hesabê xo yê Medyaya Dîjîtale de nê çîyî vila kerdî: "Otorîterê ke duştê zilmî û neheqîyî de wezîfeyê xo nêkenê; qandê qatilan sûcdar ê."

 

14ê Hezîrane ya 2018î de merdim û pawitoxê parlementerê AKPyî yê Rihayî Îbrahîm Halîl Yildiz qezaya Pirsûsî ya Rihayî de 3 ferdê keyeyê Şenyaşarî qetil kerdî. Emîne Şenyaşar û lajê xo Ferît Şenyaşarî, 9ê Adare ya 2021î de duştê nê zilmî ke înan rê ame kerdiş verê Edlîyeyê Rihayî de, bi waştişê edaletî dest bi nobete kerd. Nobeta Edaletî ya keyeyê Şenyaşarî roja 321ine de dewam kena. Vera ke ewro dimayê hewteyî yo keye nobeta xo, keyeyê xo yê qezaya Pirsûsî de domnenê.

 

Keyeyî serê hesabê xo yê Medyaya Dîjîtale de nê çîyî vila kerdî: "Otorîterê ke duştê zilmî û neheqîye de wezîfeyê xo nêkenê; qandê qatilan ê ke, keyeyê na dadîye ke nêweşxane de kiştî sucdar ê. Nê awiran de hewar esto! Nê awiran de janê ke nêeşkena bêro terîfkerdiş esto. Nê awiran de esalet esto!"