Melîke Aydin

 

İZMİR - Fehîme Poyraz dîyar kerd ke hêrişê hemverê Denîz Poyraz hemverê heme şaran de ameyo kerdiş û seba dewaya ke kiştoxê Denîze ci ra yeno muhakemekerdiş, nê vengdayîş kerd; "Wa şarê ma wayîrê dewa vejîyo û hesap biperso." 

 

Roniştişê diyîn ê dewaya Onur Gencer ke xebatkara rêxistinê Partîya Demokratîke ya Şaran (HDP) ya Îzmîrî Denîz Poyraz qetil kerd, do sibia 6in Dadgeha Cezaya Giran ya Bayrakli de bêro vînayîş. Dayîka Denîze Fehîme Poyraz dîyar kerd ke hêriş hemverê heme şaran de ameyo kerdiş û vengdayîşê tewrbîyayîşê dewaya ke do siba bêro kerdiş, kerd.

 

'Qatil bê kelepçe ardî û lajê mi kelepçe kerdî'

 

Fehîme dîyar kerd ke kerdoxî dadgehe de heqaret înan rê kerdo û ey bê kelepçe ardê la lajê ci bi kelepçe ardê û vat: "Dadgerî xora verê înan de bi.  Eşkerayo ke pey kiştoxî de hukmat esto. Xora ma vanê; Şarê ma heq û huqûq do bîyaro. Pêwa varan û serdî do a roje zî xeylêk cayê Tirkîya ra seba taqîbkerdişê dewa ameyî. Spas seba heme şarê ma. Dadgehe paştdayîş da kiştoxî verê ma de zî reaksîyon ramojna. Çîyo ke ma wazenê oyo ke edalet bi ca bêro."

 

'Wa şarê ma hesap biperso'

 

Fehîme dîyar kerd ke nê hêrişî tena hemverê Kurdan, hemverê heme şaran ameyo kerdiş û amancê înan oyo ke Kurdan û Tirkan hemverê yewbînan har bikerê û vat: "Ganî şarê ma wayîrê dewa vejîyo û hesap biperso. Seba ke tu kes nêbo hedef û gonî nêrijîyo. Wa her kes  bi berpirsiyarî têbigêro."

 

'Kiştoxî cesaret yê ke paştdayîş danê girewt'

 

Fehîme tewr peyîn wina vat: “Dinya zî zana ke pey nê de kesêk esto. Kuçe de polîsî estbî. Polîsî vanê, ma êlekê pola xo ra dê, ma do wina şêrê. Wexto ke ma eşkerayîya çapemenî danê, bi hezaran polîsî yenê. Çira seba Denîze nêşî? Nêşî cor û verdayî ke kênaya mi bêro kiştiş. Kiştoxî cesaret yê ke paştdayîş dayî girewt. Şi û Denîze kişt. Ma fek na dewa ra vera nêdanê. Ma do heta dilopê gonîya xo ya peyîn xo ver bidê."