Şîrîn Çinar

 

AMED - Cinîyan seba Denîz Poyraz ke 24ê Çeleyî de bêro kerdiş, veng dayî û vatî, Denîze seba nasnameyê kurdbîyayîşê xo ameya qetilkerdiş û na dewa dewaya heme cinîyan a.

 

17ê Hezîrane de gumanbar Onur Gencer hemverê HDPyî yê Îzmîrî de hêrişê nîjadperestî kerd û Denîz Poyraz qetil kerd. Yewin roniştişê dewaya gumanbarî 29’ê Kanûne de hetê heyetê 6in Dadgeha Cezaya Giran ya Bayrakliyî ra salonê 13in de Dadgeha Cezaya Giran ra ame vînayîş. Hetê çar hetê Tirkîya de avûkatî tewrê dewa bî û bi seyan cinî û temsîlkarê sazgehê komelê jin sivîlî tewr bî. Roniştişê yewin de çîyêk aver nêşi û taloqê 24ê Çeleyî ame kerdiş.

 

Cinîyan vernîya roniştişê derheqê  tewrbîyayîş de veng dayî.

 

‘Denîze seba nasnameyê kurdbîyayîşî ameye qetilkerdiş’

 

Endama Komîsyonî seba Gulîstan Doku Edalet, Dîlan Ergul vat, her çar hetê Tirkîya de cinî yenê qetilkerdiş û nê dir zî cinî seba nasnameyê xo yenê qetilkerdiş û vat: "Welat de qirkerdişê cinîyan û kurdan yeno ciwîyayîş. Denîze seba nasnameyê kurdbîyayîşî ameye qetilkerdiş. Dewlete şarî bi kîn û nefret îdare kena. Kiştox roniştiş de her tim bi polîsan dir huyayîne. Seba vernîya wayîrvejîyayîşê dewa bigîrê, her çî kenê. Ganî her kes wayîrê roniştişî bivejîyo û uca de bo."

 

‘Kiştox bi eşkera ame pawitiş'

 

Hemsereka HDPyî ya Amedî Remzîye Sizici zî wina vat: “Qetilkerdişê Denîz Poyraz parçeyêk polîtîkayê nefretî yo. Ma prosesêko zehmet ra derbaz benê. Tedayê serê cinî û HDPyî de zêde bîyê. Hêrişê hemverê HDPyê Îzmîrî hêrîşêk nîjadperest bi. Ma heme nê zanê. Heme dinya nê zano. Îqtîdar polîtîkayê dişminî hemverê kurdan û cinîyan ê kurdan de keno. Ma hemine dî ke kiştox senîn yeno pawitiş. Ganî sere de şarê kurd û cinî û heme kesî dewa taqîb bikerê. Seba kiştoxî bêrê cezakerdiş, ma do heta peynî têkoşîn bikerê."

 

‘Ma do taqîbkerdox bê'

 

Hemsereka HDPyî Baglarî Remzîye Tek zî wina vat: “Kiştox bi pere ameyo girewtiş û seba hêrişê HDPyî bikero rayîr dayê ver. Roja ke Denîze ameye qetilkerdiş, ma vanê ‘Denîzêke şî bi hezaran Denîzî do bêrê.' Ez wayîrvejîyayîşê dewa heme cinîyan rê kena. Ma do taqîbkerdoxê dewa bê. Na dewaya cinîyan ê kurdan a.”

 

Seba roniştişî vengdayîş

 

Sekretera Cinîyan ê Hûmara Yewin ê Egîtîm Senî ya Amedî Ezgî Çelîk zî fikrê xo ard ziwan û vat: "Qetilkerdişê Denîze hêrîşêk hemverê nasnameyê cinîyan ê kurdan o. Seba ke ma nê hêrişî şermezar bikerê, ma veng danê heme cinîyan ke tewrê roniştişê 24ê Çeleyî bibê. Na dewaya ma hemine ya. Ganî ma heme uca de bê."