Şehrîban Aslan

 

AMED - Wesayîtê zirxî bi sebebê qetilkerdişê 5 kesan. Ê 5 kesan ra yew zî Fîkrî Demîrbaş bi û bi bahaneyê ke zirar dayo wesayîtê zirxî, derheqê keyeyî de dewaya tazmînatî ame akerdiş. 1in roniştişê dewa do 24ê çeleyî de bêro vînayîş. Kênaya Fîkrî, Besîme Demîrbaş Karabacak, seba dewa vengdayîşê paştdayîşî kerd.

 

Herême de her ke şino qetlîamê bi wesayîtê zirxî zêde benê, goreyê raporê menga êlule ya Komeleya Heqê Merdiman (ÎHD) yê Şubeyê Amedî, 16 ci ra tutî, 6 ci ra cinî, 36 kes ameyî qetilkerdiş. Berpirsyarê qetlîamî ney keyeyî yenê cezakerdiş. Nimûneyê nê serebûtî 20ê hezîrana 2017 de serê rayîrê Amed û Çewlikî de ame meydan. Wesayîtê zirxî bi sebebê merdişê 5 kesê ke wesayît de bî.

 

Wezaretê Dade, qerar da ke Fîkrî Demîrbaş bi sebebê ke wesayîtê zirxî zirer bivîno, dewaya tazmînat akerd. Serra 2019 de 250 Euro ceza keyeyî rê da. Seba ke keye tazmînat nêda, derheqê keyeyî de waştişnameyêk da 3in Dadgeha Huqûqê Sulhî ya Amedî. Waîtişname de keye ame sucdarkerdiş. Waştişname hetê dadgehe ra ame qebûlkerdiş û dewa ame akerdiş. Roniştişê dewaya yewin do 24ê çeleyî de bêro vînayîş.

 

'Vera ozrî ma ra pere wazenê'

 

Kênaya Fîkrî Demîrbaş Besîme Demîrbaş Karabacak, dîyar kerd  cezaya ke ameya dayîş û vat: "Ma nêxebityenê û sîgortayê ma çin a. Ma sey wayê û bira nêeşkenê karêko dewamî de bixebityê. Vera ke dewlete bêro ma ra ozur biwaza,  yena pere ma ra gêna. No çi wijdan o. Seke pîyê mi 4 kesê bînî kişte ramojnenê. Ez Homayî ra hêvî kena ke şima mîyanê gonî de bixeniqyê."

 

'Wesayîto ke parçe parçe bi rehîn ame girewtiş'

 

Besîme wina vat: "No demêko xeylêk kesî hetê wesayîtê zirxî ra ameyî kiştiş. La tu leşker û polîs ceza nêgirewtî. Kesê ke benê sebebê qezeyan çira nînê tepiştiş? Nêheqîyê ke yenê kerdiş qîm nêkerd, seba wesayîtê pîyê min ke ku parçe parçe bîyo otoparqî de rehîn ame girewtiş. Dimayê ke ma  700 TL. pere da ma wesayîtê xo yê parçe parçe bîyo girewt."

 

'Wayîrê dewa vejîyê'

 

Besîme, dewam de wina vat: "Wesayîtê zirxî xeylê xo benê sebebêmerdişan, la seba ke kesê yenê qetilkerdiş kurd ê, berpirsîyarî nînê cezakerdiş û heqê qiseykerdişî nêdanê mexdûran zî. Eke ma kurd nêbîne û ma welatiyêk Komara Tirkîya bibîne, ma do nêameyîne kiştiş û cezakerdiş. Ma heqê pîyê xo û merdimanê xo nê bînan wazenê."

 

Besîme tewr peyîn wina vat: "Dewa do roja dişeme bêro vînayîş. Ma veng danê her kesî kenê ke paştdayîş bidê ma û tewrê roniştîşî bibê. Wayîrê dewa vejîyê."