RIHA - Emîne Şenyaşar û lajê xo Ferît Şenyaşar ke tekoşînê xo yê  edaletî bêmabên dewam kenê, nê mesajî pare kerdî: "Heta ke cuye dewam bikero do têkoşînê ma yê hemverê zilmî zî dewam bikero."

 

Çalakîya Nobeta Edaletî ya keyeyê Şenyaşarî ke vernîya Edliyeyê Rihayî de dayê destpêkerdiş roja  318in de dewam kena. Emîne Şenyaşar seba problemê xo yê weşîye ewro nêeşko bêro vernîya edlîye û nobeta xo keyeyê xo yê qezaya Pirsûsî de dewam kerd.  

 

Ferît Şenyaşar ewro tena verê Edliyeyê Rihayî de çalakîya nobete da destpêkerdiş. Ferît, vizêr bi vewre serê betonî de, “Roja 317in” nuştibi la polîsan bi vatişê, “qedexeyo ke serê dêsê îstîmlakî de nuşte bêro nuştiş" mudaxile kerdibi. Ferît Şenyaşar, ewro zî serê blokê betonî de “Roja 318ine” nuşt. 

 

Keyeyê Şenyaşarî, serê hesabê xo yê medyaya dîjîtalî nê mesajî pare kerd: "Wa kesê ke Tirkîya de behsê edaletî kenê û nê zulmî bi rayîrê hukmî vernîya Edliyeyê Rihayî dewam keno nêvînenê, şerm bikerê. Heta ke cuye bibo, do têkoşînê hemverê nê zulmî dewam bikero."