ÎZMÎR - Vervatoxa Meclîsê Cinîyan ê HDKyî ya Îzmîrî Newroz Çelîk, dîyar kerd ke sebebo tewr pîl yê hêrişê hemverê HDPyî oyo ke HDP partîya cinîyan o û veng da ke hemverê hêrişên bi pîlkerdişê têkoşînî bibê cewab.

 

Nê prosesê ke şîdet, kiştiş û tecawuzê hemverê cinîyan zêde bîyê de, polîtîkayê îqtîdarî yê hemverê cinî, bêtêduşt û nîjaperestî, bi destê hukmî û çapemenîye her wareyê cinîyan de hedef gêno. Vervatoxa Cinîyan ê Kongreya Demokratîke ya Şaran (HDK) ya Îzmîrî Newroz Çelîk dîyar kerd ke binê hêrişê hemverê HDPyî de rastiyê ke HDP partîya cinîyan a, esto û dîyar kerdî ke ganî hemverê hêrişan rêxistin bêro pîlkerdiş.

 

Mêrdeyo ke Denîze qetil kerd rê vatî, 'her biciwî'

 

Newroze dîyar kerd HDP ke pêkerdişê HDKyî yo, partîya cinîyan o û HDP sere de seba cinîyan û heme şaran bîyo hêvî û nê çî vat: "24ê Çeleyî de diyîn roniştişê gumanbar Onur Gencer ke Denîz Poyraz qetil kerdo. Dimayê qirkerdişî gumanbar Onur binê pawitişê leşker, polîs, dadger, dozgerî ardî salone. Gumanbar bi rehetî û tevgerê rehet, bê kelepçe ame salone. La birayê Denîz Poyraz ke tewrê dadgehe bi, bi kelepçe bi. Nê esasî de ameyîne manaya ke  gumanbar yeno pawitiş û gumanbarî ra vanê, ‘her biciwî’. Gumanbar roniştiş de heqaret dadîya Denîze kerd û dadgehe nê dî zî tu çîyêk nêkerd."

 

‘Gumanbarî cesaret gênê'

 

Newroze dewam de wina vat: "Êyê ke cesaret danê gumanbarî mezgê dewlete yê camêrdan o. Mezgê camêrdan yew tîp o. Hemverê cinî kurd, multecî û her kesê înan ra cîya dişmin o. Vernîya dewaya Denîz Poyraz hêrişê awanîya Bahçelîevler kerdî. Yanî nê hêrişî de vatî, 'ma şima dir eleqedar benê."

 

‘Ma do cewabêke pîl bidê'

 

Newroze tewr peyîn wina vat: “Hemverê HDPyî ke seba şaran bîyo hevî û kesê derûdorê ci de hêriş yenê kerdiş. Denîze, Îpeke Gulîstan Doku… Kurdbîyayîş, cinîbîyayîş, HDPyij bîyayîş... Sebeb nê bî. Seba nê çîyê ke yenê ciwîyayîş, ma do tewr zêde xurt bikerê. Ma do têkoşînê xo pîl bikerê û cewabê ci bidê."