AMED - Varayîşê vewra zêde û pûke pêroyê Amedî û qezayanê ci girewte binê tesîrê xo. Varayîşê bêmaben ê vewre vera rayîr padîyayî û kuçe daxî padîyayî. Şaredarîya ke binê rayîrberîya qeyûmî de ya xizmetêko baş nêkena, welatî bi payan şîyî gûre û maben dîya perwerdeyî.

 

Amed de vizêr ra nata varayîşê vewre dest pêkerdo û hema zî dewam keno. Varayîşo ke hema zî dewam keno saetanê şewe de zî qet nêvindert û cuye xetimna. Pêroyê rayîr û kuçeyê Amedî vewre ra padîyayî û şîyayîş, ameyîş xetimîya. Adeta cuye vinderta.

 

Şaredarîya Bajarê Girde ya Amedî ke binê rayîrberîya qeyûmî de ya, xizmeta ke rayîran akera û pakî bikera nêkena. Dingê otobusan bi welatîyan dekerde mendî û hewl danî ke şêrî gûreye xo. Otobusê şaredarî xeracan ra nêvejîyayî û şar tena pê dolmîşanê mîyanê bajarî şinê gûreyanê xo. Heto bîn de saetanê reve ê dest pêkerdişê varayîşê vewre ra nata hema hema pêroyê nuqtayan de qezayê trafîkî virazîyayî û tedbir nêameyî girewtene.

 

Rewşa welatîyan bî sebebê reaksîyonana. Varayîş vera seferê teyaregehî zî şîyayîş û ameyîş rê ameyî padayena.

 

Walîtîya Amedî da zanayene ke varayîş vera pêroyê Amedî de mektebî ameyî betalkerdene û rojêk maben dîya perwerdeyî.