AMED - Endama MEBYA-DERî Yildiz Damla roniştişê dewaya ci ya 4ine Dadgeha Cezaya Giran ya Amedî de ameye vînayîş de bi îdayê "endamîya rêxistine" 6 serrî û 3 mengî cezaya zîndanî ameye dayene.

 

Çarçewaya cipersayîşê hetê Serdozgerîya Komare ya Amedî de 3yê Adara 2020î de endama Komeleya Kultur, Yewitî, Paştdayîş û Hetkarîya Keyeyê ke Merdimê xo Dergûşê Şaristanî de Vînî Kerdê  (MEBYA-DER) Yildiz Damla amebî destbendkerdiş û serbest amebî veradayîş, derheqê ci de bi îdayê "endamîya rêxisitne" dewa ameye akerdiş û roniştişê qerarê dewaya 4in Dadgeha Cezaya Giran ya Amedî de ame vînayene. Yildize tewrê roniştişî nêbî la avûkate ci  Semra Balyan roniştiş de amade bî. 

 

Avûkate Semara Balyan roniştiş de qisey kerd ke aye pawitişê xo reyna kena, dosya de tu delîlê ke ispatê endamîya rêxistine bikero çin o û  beraetê muwekîla xo waşt.

 

Ceza ameye dayene

 

Dimayê pawitişî heyetê dadgehe mabêne da. Heyetî dimayê mabêne,  îda kerd ke Yildize dosya xo ya 4in Dadgeha Cezaya Giran a Amedî û dosya xo ya 10in û 8in Dadgeha Cezaya Giran a Amedî de sûcê "endamîya rêxistine kerda.

 

Heyetê dadgehe dima ra bi îdayê "endamîya rêxistine" 6 serrî û 3 mengî ceza Yildize rê da.