KONYA - Roniştişê dewaya Qirkerdişê Keyeyê Dedeogullariyî ame taloqkerdene.

 

12ê gulana 2021î de Konya de vera ferdanê keyeyê Dedeogullariyî ke Qers ra bî, keyeyanê Çalik û Keleşî hêriş kerdbi. Roniştişê dewaya qirkerdişî Mehkemeya Cezaya Girane Konya de ame kerdene ke tede 9 kesî yenê muhakemekerdene.

 

Hêrişê polîsan ra dima mabên dîyabi roniştişî û mabênî ra pey destûr dîya ke têna wekîl, avûkat û rojnamegerî tewrê roniştişî bibê. Avûkatanê Keyeyê Dedogullariyî ard ziwan ke ê qebul nêkenê ke Çetîn Dedeogullari tewrê roniştişî nêameyo kerdene û waşt roniştiş wa bêro taloqkerdene.

 

Heyetê mehkeme bire daye ke versûcê tepişteyî sey tepiş bimanê û roniştiş taloqê 11ê sibate kerd.