ANQARA - Fezlekeyê ke derheqê Semra Guzela HDPyij de bi bahaneyê fotografê vernîya 8 serran ameyê antiş, ame amdekerdiş Komîsyonê Desturê  Bingehîn rê ame şawitiş.

 

Dimayê ke fotografê ci bi endamê PKKyî Volkan Bora dir çapemenî de vejîya, derheqê Parlamentera Partiya Demokratîke ya Şaran (HDP) ya Amedî Semra Guzel de fezleke ame amadekerdiş. Fezlekeyê ke hetê Serdozgerîya Komara ya Anqara rê ame amadekerdiş û Semra bi îdiayê "endamîya rêxistine" ra yena sûcdarkerdiş Wezaretê Dade rê ame şawitiş.

 

Fezleke seba pêşkêşê Meclîsî bêro kerdiş vizêr hetê Wezaretê Edaletî ra Serkanî ra ame şawitiş. Dosyaya destnêdayîşî yê Semra Guzel hewaleyê Komîteya Hempar a Destûrê Bingehîn ame kerdiş.

 

Semra derheqê heqaretê cinsperestî û hedefgirewtişê xo de eşkerayîyêke nuşteyî da û dîyar kerd ke fotograf serra 2014 de ameyo antiş û serdemê prosesê çareserî de no fotograf ameyo antiş. Semra vana, qebûlkerdiş ke fotografê 5 serrî verê ameyê desteserkerdiş, seba hewldayîşê komplo û sûcdariyê ewro derheqê ci de yenê kerdiş, bêrê xebitnayîş.