ŞIRNEX - Roniştişê dewaya Hemsereka HDPyî ya Şirnexî Sabûha Akdag taloq ê 14ê Hezîrane ame kerdiş.

 

Derheqê Hemsereka Partîya Demokratîke ya Şaran (HDP)a Şirnexî, Sabûha Akdag de bi îdîayo ke "Eşkera şar sewqê kîn û neyartîye kerdiş' dewa amebî akerdiş û roniştişê dewaya 1ine, 1in Dadgeha Cezaya Giran ya Silopîyê Şirnexî de ameya vînayîş. Dewa ke bi tesbîtkerdişê nasnameyan dest pêkerd, Sabûha û avûkata aye tewrê dewa bî. 

 

Sabûha, sûco ke ci rê yeno kerdiş qebûl nêkerd û vat,  hayîdarkerdişo ke 16ê Temûza 2020î de Silopî de ameya dayîşî, derheqê tacîzî, tecawuzî û tehdaya hemverê cinî bî û nê çîyî sûc nîyê. Sabûha, ard vîr ke cinî her rojî tacîz, tecawuzî dir rî bi rî manenê û vat: "Seba ke nê serebûtan rê peynî bêro mi no malûmat wend. Hemverê nê hêrişan de ma do verpersêko tewr wuşk zî bidê. Hemverê nê hêrişan de ma cinî nêeşkenê bêveng vinderê.”

 

Sabuha, dîyar kerd ke vatişê ci çarçewaya azadiya fikr û fehmî de yo û wina dewam kerd: "Werte de çîyêk sey bi eşkera şarî sewqê kîn û dişminîyê bikerê çin o. Ez siyasetmedar a û seba nê çarçewaya azadiya fikr û fehmî de mi eşkerayî daya.”

 

Heyetê dadgehe, bi bahaneyê kêmîyê evrakan dewa taloqê 14ê hezîrane kerd.