ŞIRNEX - Cizîr û Hezexî de vizêrî  sereştişê keyeyan de kesê ameyê destbendkerdiş hûmara înan resa 17î.

 

Netîceyê cipersayîşê Serdozgerîya Komare ya Şirnexî  de vizêrî qezayê Cizîr û Hezexê Şirnexî de polîsan serê xeylêk keyeyan de girewt. Sereştişê keyeyan de heta nika 17 kesî ameyê destbendkerdiş.

 

17 kesê ke ameyê destbendkerdişî Midurîyetê Polîsan ê Şirnexî de yenê vindarnayîş û ame zanayene ke derheqê dosyayî de "Qerarê Nimitişî" ameyo dayîş. Kesê ameyê destbendkerdişî pabeyê ke ewro îfadeyê înan bêro girewtiş.

 

Nameyê kesê ke ameyê destbendkerdiş wina yê: "Endama Meclîsê Dadîyanê Aştîye Nebahat Îşçî, Aktivîsta Hereketê Cinîyan ê Azadan (TJA) Evîndar Aydin, Endamê Meclîsê Ciwanan ê HDPî Berfîn Can, Endama Meclîsê Şaredarîya Hezexî ke  wezîfe ra ameya dûrîvistiş Medya Hezar,  Şukru Acar,  Mela Sait Ozdemîr, Huseyîn Înedî, Azîz Sonmez, Mehmet Emîn Çikmaz,  Mazlûm Dûrû, Kamîl Balik, Mustafa Çomlek,  Îdrîs Kayaalp, Selman Abay, Agît Işikli, Metîn Mendes û Îsmaîl Nerse yê.