Medya Uren

 

ÎZMÎR - Hîkayeyê 20 cinîyê nuştoxan ê kurdî yê Vakur, Başûr, Rojawanê Kurdistanî û Dîasporayî de kitabê bi nameyê Antolojîya Dejê Cinîyan "20 cinî, 20 hîkaye" de ameyî tomarkerdiş û ameyî weşanayîş. Nuşteyê kitabî û eynî wextî de arêdayoxa kitabî Yasemîn Elban derheqê kitabî de qisey kerd.  Yasemîne vat: "Cinîyê kurdî awankerdox ê û lazim o ke bi berardişê nê rengî seba ameyoxî ji mîrasêko mende verdê."

 

Hîkayeyê 20 cinîyê kurdî kitabê binameyê Antolojîya Dejê Cinîyan "20 cinî, 20 hîkaye" de ameyî tomarkerdiş û Weşanxaneyê Nayê ra ame weşanayîş. Bi babetê cîya cinîyan hîs, fikr û fehmê xo bi hîkayeyê xo ardê ziwan. Arêdayoxa  kitabî û yew nuştoxa kitabî Yasemîn Elban derheqê kitabê bi nameyê Antolojîya Dejê Cinîyan, "20 cinî, 20 hîkayeyî" erjnayîş kerd. 

 

'Yê tewr baş dewlemendîyê komelî gênê tut ê'

 

Yasemîne wina vat: "Mi sey setî kitabê tutan çap kerd. No çî mi zaf kêfweş kerdêne. Mi dewlemendî, zergûnayî, heywan û heme xozaya Kurdistanî da naskerdiş. Seba vînî nêbê lazim o tu ameyox rê hîn çîyan neql bikerê. Çike kulturê komelî tutî resnenê ameyox. Amancê mi zî o bi ke ez hîkayeyan neql bikerî. Ganî tutî namdaranê xo, hîkayeyanê xo binasê. Sey şaîra ma Mestûre Xanim, dengbêjê ma Evdalê Zeynikê, feylesofê ma Ehmedê Xanî, destanê ma yê Dewrêşê Evdî û roşnvîrê ma Celadet Elî Bedirxan. Mi nê sey saetêke bi nameyê 'Rojaneyê Xecê' panc kitaban ra yeno meydan, nuşto û weşanxaneyê Darayî de vejîyayo.  Kitabê min ê bi nameyê 'Asmîn û Bilbil' de mi ca dayo cografyaya herêma Tetwanî, bi kurdî nameyê heywan, pincar û xozaya Kurdistanî."

 

'Cinîyan bi hîkayey hîsê xo pare kerdî'

 

Yasemîne xeylêk projeyan de ca gêna û koveran rê zî nusena. Yasemîne dewam de wina vat: "Bi paştdayîşê weşanxaneyî û xeylêk embazanê ma zî ma hîkayeyê 20 cinîyan arêda. 20 cinîyan bi hîkayeyê nuşteyî û hîsê xo pare kerdî. Her cinî wayîrê hîkayeyêke ya. Bi 20 cinîyan dir ma nê hîkayeyî arêda û pare kerd. Bi mi reya ewil o ke xebatêke wina yena kerdiş. No berardiş do tarîxê edebîyatê kurdî de cayê xo bigîro. Ma hewl bidê ke . xebatê ma yê nê rengî tiê dewam bikerê û edebîyatêk xurt sey cinî ma do estorê xo wareyê edebîyatî de bidê wazdayîş."

 

'Bi vatiş û parekerdişan nê hîkayeyî dewlemend benê'

 

Yasemîne tewr peyîn wina vat: "Ez bawer a ke no kitabê ma yo peyîn do edebîyatê kurdî rê bibo dewlemendîyêk pîl. Seba nê ma kesê ke weşan de kede dayê spas kenê. Ma do hema zî hewl bidê ke berardişê newe vejê û bi wendoxan dir pare bikerê. Ez wazena her cinîya kurdî binuso û cuya xo zî binuso, qal bikero. Bi vatiş û parekerdişî dir nê hîkayeyî dewlemend benê."