AMED - Tîyatroyê Bajarê yê Amedî, bernameyê xo yê menga çeleyî eşkera kerd. Do menga çeleyî de bi kayê “Hinek Henek”, “Tenê Ez”, “Mem û Zîn” û “Tartuffe” bêrê kaykerdiş.

 

Tîyatroyê Bajarê Amedî, bernameyê xo yê menga çeleyî eşkera kerd. Goreyê bernameyê ke ame parekerdiş heme kayê ke menga çeleyî de bêrê kerdiş do saete 19.00’an bêrê pêşkerdiş. 

 

Goreyê bernameyê Tîyatroyê Bajarê Amedî do 7ê çeleyî de bi kayê “Hinek Henek” ke rejîsorê ci Nazmî Kahraman keno, perdeyê xo abikero. “Hinek Henek” do tarîxê 21 û 22yê çeleyî de zî reyna bêro kaykerdiş. 

 

Tîyatro, 8ê menge de bi kayê nameyê, "Tartuffe" ke rejîsorêyê ci Ruknettîn Gun keno û kaya bi nameyê Moliere bernameyê xo dewam bikero.

 

Hunermend Nazim Taşdogan zî do 9ê çeleyî saete mabêne 17.00 û 19.00’an de Tîyatroyê Bajarê Amedî bi konserêk bi heskerdişanê xo dir bêro têhet.

 

Tîyatroyê Bajarê Amedî ke seba kayê mêmanan zî sehneyê xo akeno, do 14-15ê çeleyî de kayê “Tenê Ez” ê Teatra Jiyana Nû rê wayîrê bikero. 

 

Tîyatro do perdeyê xo 28-29ê çele de zî kayê, “Mem û Zîn” ê bi rejîsorîyê Mîrza Metîn akero. 

 

Tîyatroyê Bajarê yê Amedî do bi kayê “Mem û Zîn” 29ê çeleyî de bêro kaykerdiş perdeyê xo yê menga çeleyî pado.