AMED - TJAyî mesajê xo yê serra newe de bale ant serê têkoşînê cinîyan û vat: "Hukmatî wazenê şar, adetê komelî yê 14 hezar serrî xo vîr ra bikero."

 

Tevgerê Cinîyan ê Azadan (TJA) mesajê serra newe weşêna. Mesaj de ame dîyarkerdiş ke hukmatî hewl danê destkewtişê cinîyan çin bikerê û ame dîyarkerdiş ke cinî do hemverê nê, têkoşînê xo tewr girs bikerê.

 

Eşkerayî de wina ame vatiş: "Ma ewro prosesêk wina ra derbaz benê ke, nê pêro erjî hetê sîstemê modernîteyê kapîtalîstî yê serê esasê îqtîdarê camêrdan yeno hedefgirewtiş û her çîyê baş û bedew yê komelî awan kerdê yeno waştiş ke bêro çinkerdiş. Hukmat ke binê nameyê 'averşîyayîş' de modernîteyê kapîtalîst seke yewin weçînayîş pêşkêşê şarî keno, wazeno adetê yê 14 hezar serrî bidê xovîrrakerdiş.

 

Bi qîrînayîşê Înanna, bi bawerîya Hz. Fatma, bi şîfayê sêrbazan, bi adetê xoverdayîşê Sakîne Cansiz û bi têkoşînê Garîbe Gezer ma do rayîr de bê. Bi nê bawerî û îradeyî ma serra newe heme şarê bindestî û cinîyê bindestan rê pîroz kenê û wazenê cinîyê bindestan rê pîroz bikerê û wazenê na serre bibo serkewtişî.