STENBOL - Heyetê Îdare û Muşahedeyê Zîndanan ê Cinîyan ê Bakirkoyî, qerarêk bîn ê balkêş da, pakitîya Leyla Akyildiz sey, "îsraf" ercna û înfazê aye reya diyîn taloq kerd.

 

Zîndanê herême û Tirkîya her roja ke derbaz beno, tewr zêde heqê tepişteyan yeno binpaykerdiş. Înfazê tepişteyan hetê Heyetê Îdarekar û Muşahadeyî ra bi mehnayê pûç yenê taloqkerdiş. Leyla Akyildiz ke  6 serrî yo Zîndanê Cinîyan ê Bakirkoyî de tepişte ya û hetê Heyetê Îdare û Muşahedîya ra pêwa ke înfazê ci menga êlule de peynî bi zî,  3 mengî bîn ame dergkerdiş. Leyla kênaya endama Dayîka Aştîye Sîmanperî Akyildiz a û Sîmanperî seba vîrûsê korona dinyaya xo bedilnabî.

 

Heyetê zîndanî her roje bi mehnayê cîya înfazê tepişteyan taloq keno. Semedê Leyla zî mehnaya, pandemî kerdo sebeb û sey "şîyayeyê pêroyî de zêde îsraf kena, sey xebitnayîşê elektrîk û awe. Her tim koguşa xo pak kena" sebeb ramojna û înfazê aye taloq kerdî. Sewbîna ame dîyarkerdiş ke "Poşmanî" Leyla rê yeno ferzkerdiş.

 

Heto bîn ra 28 tepişteyî mîyan de  Fatma Tokmaka nêweş û Leyla zî esta, bi mehnaya govende kerdê û deyîre vatê, cezaya disîplînî amebî dayîş. Tepişteyê cinî muracatê Dadgeriya Înfazî yê Bakirkoyî kerdî. La dadgehe muracatê tepişteyan red kerd. Tepişteyê cinî reyke bîn muracatê 1in Dadgeha Cezaya Giran ya Bakirkoyî kerdî. Çend tepişteyî îfadeyê xo de tewrnêbîyayîşê Leyla bîyarê ziwan zî dadgeha cezaya disîplînî yê ke deyîrî vatî û govende kerdî ca de dî.