Rabîa Onver

 

WAN - Gulfer Yendîm ke emro qijkek de ameya zewejnayîş û şîdeto sîstematîk dîyo wina ard ziwan: "Yewin poşmanîya mi na ya; seba xoveradayîşî rê, ez erey menda." Gulfere vat; tutê ke xo mi vinî kerd, yew zî nêweşê gurçikan o û keyeyêk prefabrîkî de têkoşînê cuwîyayîşî dana û pabeyê destekî ya. 

 

Goreyê dayîşê Fonê Nifûsê Neteweyî yê Yewbîyaye 25 serrê dima, Tirkîya de mîyanberê emrê 18-45î de her 5 cinîyê zewecîyayeyî yew emrê tutîtîye de, bîya dadî û nê cinî zî nîmeyê înan bi şîdeto fizîkî dir rî bi rî mendê. Şaristananê herême de zî zewajê tutan dewam keno û cinî bi her tewirî hêrişî dir rî bi rî manenê. Yew nê cinîyan ra zî Gulfer Yendime ke 53 serrî ya. Gulfere ke emro qijkek de yena zewejnayîş, hetê mêrdeyo bi nameyê Y.C ra 30 serrî şidetê psîkolojîk û fizîkî diyo. Gulfere têkoşînê ke duştê şîdete dayo, ajansê ma rê erjna. 

 

Hem aye û hem zî tutî şîdet vînenê

 

Gulfere dîyar kerd ke, hem aye û hem di tutê aye 6 serrî şîdet dîyo û her reyêk waşto şêro nêweşxane la mêrdeyî dest ci ra veranêdayo Y.C vernî ci girewto û wina vat: "Sebebê nê zî no bi; nêwaştêne ke ez raporê derbî bigîrî, vernî mi girewt ke ez gerreyê ey nêkerî. Reyêk kiftê mi şikit. Seba nê ez şîya mi gerre kerd. Pêwa ke qerarê dûrî vistişî dayî, Y.C bi desan reyî eşt serê keyeyê mi û şîdet mi û tutanê mi rê kerd. Sewbîna tutê mi 2014î de hetê Y.C ra bi kardî ame birîndarkerdiş. Seba nê Y.C ame destbendkerdiş û dima ra ame veradayîş. Nê ser de tutê mi gurçikê xo vinî kerd." 

 

Tutêkêk xo vînî kena

 

Gulfere dimayê heme çîyan cuwîyena, 2015î de dest Y.C ra veradana û 2016î de tutêk aye keweno verê cereyanî û dinyaya xo bedilneno. Gulfere wina wina qal kena: "Ez heya nika zaf karan de xebetîyaya. La seba nerehetîyê kiftê xo nêeşkena karo giran de bixebetî. Seba nê zî bêçare menena kar ra vejîyî." 

 

‘Ez erey menda’

 

Gulfere vat ke, keyeyêk prefabrîkî de cuwîyîyena û şina karo rojanetê pakîtîye û bi nê hawayî tutanê xo ewnîyena. Gulfere wina vat: "Mi heta nika seba tutanê xo têkoşîn kerd. La êdî emrê mi vîyarya yo, ez nêşena şêrî karê pakîtîye. Gurcikê lajê mi yew çin o. Rewşa weşîya ey baş nîya. O zî nêxebetêno. Çîyêk ez cuwîyaya wa kesêk nêcuwîyîyo. Mi têkoşînêko çetin da. Janê şîdetê ke mi dî, hema zî cuwîyena. Nêşena kiftê xo bişixulunî. Poşmanîya mi na ya ke ez erey menda seba veradayîşî."

 

Vengdayîşê hetkarîye kerd

 

Gulfere vat, seba demserra zimistanî germîya hewayî heya  -12°yî kewena û na rewşe de, keyeyo prefabrîkî de nêeşkenê germ bibê û seba ekonomîya înan çinî ya nêşenê kolî û komir biherênê. Gulfere ke tutanê xo reyde têkoşînê cuwîyayîşî dana seba paştgirewtişî veng da.