ŞIRNEX - Do 10in serrgera Qirkerdişê Roboskî de Şehîtgehê Roboskîyî de 34 kesê ke ameyî qetilkerdiş, bêrê yadkerdiş.

 

Dewa Roboskîya ke girêdayê Qilebanê Şirnexî ya 28ê Kanûna 2011 de bi bombavaranê teyareyê şerî yê Hêzê Çekdarî yê Tirkî (TSK) xeylêk ci ra tutî 34 dewijî ameyî qetilkerdiş. 34 kesê ke ameyî qetilkerdiş do 10in serrgera qetilkerdişî de bêrê yadkerdiş. Pêwa hewayê serdî û varnayîşê vewre zî  Roboskîyijan semedê vîrardişî serê sibayî rew dest bi roje xo kerdî. Keyeyê Roboskîyî yê fotografê tutanê xo berz kerdî û goristan de kom bî. Keyeyan semedê xêrê tutanê xo şekiran vila kerd. Semedê yadkerdişî eskeran Roboskî kerd binê ablûqa. Eskeran dekewtişê dewe û goristanî de ameyê bicakerdiş.

 

Do Hemsereka Partîya Herêma Demokratîke (DBP) Saliha Aydeniz, Vervatoxa Partîya Demokratîke ya Şaran (HDP) Ebrû Gunay, Temsîlkara Hemserekîya Pêroyî ya Komisyonê Bawerî û Şaran Berpirsîyar Tulay Hatimogullari, Hemserekê Kongreya Komela Demokratîke (KCD) Berdan Ozturk, Parlamentera HDPyî ya Anqarayî Filiz Kerestecioglu, endamê Heyetê Rêveberîyê Merkezî (MYK) Celalettin Can û endamê Meclîsê Partîya parlamenterê HDPyî Nûran Îmîr, Huseyîn Kaçmaz û Hasan Ozguneş, Yewîya Baroyê Tirkîya (TBB), endamê Meclîsa Dadîyê Aştîye, aktîvîstê TJAyî, endam û îdarekarê HDPyî yê merkez û qezayê Şirnexî, Mêrdînî beşdarê yadkerdişî bibê.

 

Do vîrardiş saete 11.00'an de bêro kerdiş.