Oznur Deger

 

ENQERE - Gulfer Akkaya dîyar kerd ke yê ke dewaya Kobanî ra yenê muhakemekerdiş, tena HDP nîyo heme kesê ke aştî û demokrasî wazenê yê û wina vat: "Ez elewî, kurd û cinî ya. Komara Tirkîya ra heta nika, problemê cinî, kurd û elewîyan nêame safîkerdiş. Oyo ke yeno muhakemekerdiş zî demokrasî yo.”

 

8in Roniştişê Dewaya Qirkerdişê Sîyasî yê Kobanê de derheqê 21 ci ra tepişte, 108 kesî yenê muhakemekerdene û mîyan de hemserekê pêroyî yê HDPyî yê verê Fîgen Yuksekdag, Selahattîn Demîrtaş, hemsereka pêroyî ya DBPyî Sebahat Tuncel zî esta, kampusê Zîndanê Sîncanî de yeno vînayîş.

 

Nuştoxer Gulfer Akkaya ke 2014ine de Endama Heyetê Îdarekarîya Merkezî ya HDPyî de bî û aye zî dewa ra yena muhakemekerdiş derheqê dewa de qisey kerd.

 

'Dewa bi endîşeyê sîyasî ameyê akerdiş'

 

Gulfere vat, dewa dewaya kumpasî ya û serê û 6-8ê teşrîna verêne de 6 serrî derbaz bîyo û dimayê 6 serrî dima dewa ameya akerdiş û na çarçewa de 6 serrî xeylêk kesî îfade dabi û vat: “Na dewayêka sîyasî ya. Ê bi endîşeyê sîyasî ameyo akerdiş. Semedo ke o wext çi ameyo ciwîyayîş bêro dîyarkerdiş nêameyo akerdiş. Semedê cigêrayîşê derheqê babete de ganî biameyîne kerdiş nêame kerdiş û persê HDPyî ameyî redkerdiş. La 6 serrî dima MYK HDPyî ê wextî hedef ame girewtiş û dewa ame akerdiş. Îdianame zî hetê AKP û MHPyî ra ameyo amadekerdiş. No îdianame zî bi amancê padayîşê ameyo akerdiş."

 

'Na dewa 108 kesî rê yan zî MYK rê ameya akerdiş'

 

Gulfere persê ‘na dewa 108 kesî yan zî MYK rê ameya akerdiş? persa û vat: "Na dewa hemverê prosesê safîkerdişê HDPyî de bi îqtîdarî dir kerdêne de ameya akerdiş. Bi vatişêk bîn dewaya hesabperskerdişî ya. Dimayê AKP weçînayîşê 7ê Hezîrana 2015ine vînî kerd, dest bi hêrişî kerdî. HDP hetê komelî ra ame qebulkerdiş. Berzbîyayîşê HDPyî ters AKPyî rê ame akerdiş. Dimayê nê prosesî welat de çîyê nêbaş ameyî ciwîyayîş. Bomba teqîyayî. Xeylêk kesî dinyaya xo bediln. Dewaya Kobanê semedê dewaya padayîşê  HDPyî bî zemîn."

 

'Wazenê ters awan bikerê' 

 

Gulfere ard ziwan ke kesê dewa ra yenê muhakemekerdiş hetê rayaumumîyê Tirkîya û dinya ra yenê naskerdiş û ê kesî wareyê sîyasetê demokratîke de têkoşîn danê. Gulfere bale ant serê dewa û vat, şexsê nê kesan de wazenê ters awan bikerê û vat, na dewaya Tirkîya û ganî heme hetê demokratîkî bala xo bidê na dewa."

 

'Ez elewî, kurd û cinî ya'

 

Gulfere tewr peyîn wina vat: “Ez zî dewa ra yena muhakemekerdiş. Mi zî pawitişê xo de qal kerd. Mi çîyê ke ci dir ameya rî bi rî qal kerd. Ez elewî ya, kurd a û cinî ya. Mi qalê nê çîyan kerd û nê çîyê ke mi qal kerdî komara Tirkîya de heta nika problem bîyê û nêameyê safîkerdiş. Komare de heta nika problemê cinîyan, kurd û elewîyan nêameyo safîkerdiş. Problemê kede nêameyo safîkerdiş. Ez sey kurd, cinî, kedkar û elewî ez o bîyayîşê xo dewam bikerî. Nê nêeşkenê bêrê astengkerdiş. Çîyê ke heta nika mi kerdê ez o dewam bikerî. Senîn ameyo do wina dewam bikero. Na dewa tena HDPyî rê nêameya akerdiş. Na dewa yewîya komelî rê ameya akerdiş. Semedê vernîgirewtişî ameya akerdiş."