STENBOL - Meclîsê Ciwanan ê HDPyî 26ê kanûne de do 3in Kongreya Asayî bikerê û vernîya kongre de endamê Koordînasyonê Cinîyê Ciwanî qisey kerdî û vatî, semedo ke vajê, "Nika demê ciwanan o' ciwanan dawetê Amedî kenê.

 

Meclîsê Ciwanan ê Partîya Demokratîke ya Şaran (HDP) 26ê kanûne de Amed de 3in Kongreya xo ya Asayî kena. Meclîsê Ciwanan ke do bi şîarê "Nika demê ciwanan o" şêrê kongre, her çar het ra amadekarîyê kongre dewam kenê û xebatan kenê. Ciwanî ke vilawikan, bruşoran vila kenê û vengdayîşê kongre kenê, Stenbol de na çarçewa de xebatan kerdî.

 

Koordînasyonê Cinîyê Ciwanan ê Stenbolî yê HDPyî bi hemkarîya ajansê ma vengdayîşê tewrbîyayîşê kongre kerdî.

 

'Ciwanî polîtîkayê faşîzmî ra nêtersenê'

 

Koordînasyonê Cinîyê Ciwanan ê HDPyî Esengul Kiliç dîyar kerdî ke 12ê kanûne de Kongreya HDPyî yê Stenbolî de ameya kerdiş û cinî û ciwanan eleqeyêk pîl ramojnayê û wina vat: "Kongre de ciwanan reyke bîn mesajê têkoşînê rêxistinkerde dayî û ramojnayî ke ê polîtîkayê faşîzmî ra, çinkerdiş ra nêtersenê. Nê esasî de ma sere de heme cinîyan û embazanê xo dawetê  Kongreya Meclîsê Ciwanan ê HDPyî  ya 26ê kanûne de bêro kerdiş kenê. pêk tê dikin. Yên herî zêde ji polîtîkayên faşîzmî tesîr benê cinî û ciwan ê. Pandemî de xeylêk cinî ameyî qetilkerdiş. Ma do 26ê kanûnê de hêzê cinî û ciwanan ramojnê. Ma do vajê, ‘nika demê ciwanan ê."

 

'Vengê xo berz bikerê' 

 

Koordînasyonê Cinîyê Ciwanan ra Gonul Taşkin zî dîyar kerdî ke semedê ciwanî her ware de ciwîyenê ganî vengê xo berz bikerê û vajê, "NiKa demê ciwanan o" û wina qedêna: “Semedo ke ma vengê cinîyê ke unîversîteyan, kargerî, keye, kuçe û her ware de yenê pelçiqnayîş bidê eşnawitiş, ma heme cinî û ciwanan dawetê Kongreya Ciwanan kenê.”

 

'Ma do hêrsê xo pîl bikerê'

 

Koordînasyonê Cinîyan ê Ciwanan ra Roj Medrîn Bor zî wina vat: “Semedê ma bibê vengê heme cinîyê ke ameyê qetilkerdiş û hêrsê 5 hezar serrî berz bikerê, vanê ke şima zî bêrê 3in Kongreya Asayî. Ma do 26ê kanûne de Amed de vanê, ‘Nika demê ciwanan o."