Hîkmet Tunç

 

WAN - Erdîş de derheqê Erdal Işikçi ke vejîya werte Multazim Işikçik ke amebi îdiakerdiş ke întîhar kerda, sucê ‘qestî cinîya xo kişto' îdianame ame amadekerdiş. Îdianameyî de îfadeyê ca girewtê de vejîya werte ke Multazime her tim şîdetê sîstematîk dîyo.

 

Qezaya Erdîşê Wanî taxa Selimiye de 24ê nîsane de cinîya bi nameyê Multazim Işik hetê Erdal Işikçi ci dir zewicnabî bi çek ameye qetilkerdiş. Serdozgerîya Komara ya Erdîşî derheqê gumanbarî de îdianame amade kerd. Derheqê merdişo ke vernê de ame îdiakerdiş ke întîxar o, sucê ‘qestî cinîya xo kişta' îdianame ame amadekerdiş û hetê Dadgeha Cezaya Giran ya Erdîşî ra ame qebulkerdiş.

 

Cipersayîşê hetê serdozgerî ra ame amadekerdiş de îfadeyê gumanbarî ame girewtiş û gumanbar Erdal Işikçi roja serebûtî de îdia kerd ke întîxar o û  Multazime bi qeza dinyaya xo bedilnaye.

 

Mehnayê qetilkerdişî 'sînîr'!

 

Dimayê serebûtî çarçewaya cipersayîşî de 5ê teşrîna peyêne de îdianame ame amadekerdiş de ame dîyarkerdiş ke roja serebûtî de Erdal Işikçi bi Multazime dir munaqeşe keno, netîceyê munaqeşeyî de gumanbar hêrs beno û bi çekê îmamî gule rijneno û pêwa  mudaxaleyan maktule dinyaya xo bedilna û otopsî de sebebê merdişî de gule ameyo rijnayîş.

 

'Mêrdeyê mi çek girewt do mi bikişo'

 

Îdianamayo ke ame amadekerdiş de  îfadeyê dayîka Multazime, Hanim Vural ke eynî wextî de cîrane ci ya, dîyar kerd ke kênaya ci her tim şîdetê fîzîkî û psîkolojîk dîya. Mêrdeyê ci vernîya hewteyêk verê qetilkerdişî girewto. Hanime sewbîna dîyar kerdo ke kênaya ci hewteyêk verê ci vato, 'mêrdeyê mi çend rojî verê çek girewto' do mi bikişo ez tersena.' Hanime îfadeyî de vat, gumanbar senîn çek girewto bi şewe vejîyayo talîmê eştişê guleyan. Hanime îfadeyê xo de derheqê gumanbarî de gerre kerd.

 

Waşt serê serebûtî pado

 

Gumanbar Erdal Işikçi ke ame destbendkerdiş, îfadeyê xo de dîyar kerdo ke roja serebûtî munaqeşe kerdê û îdia kerd ke bi qeza Multazime ameya qetilkerdiş. Gumanbarî bi vatişê, ‘ez poşman a' pawitişê xo kerd û îdia kerd ke şîdet nêkerdo. 

 

Raporê 25ê nîsane yê Cigêrayîşê Cayê Serebûtî de kewt îdianame, ame vatiş ke ameyo tespîtkerdiş ke çek ameyo vînayîş û sucê kiştişî sabît o.

 

Tarîxê roniştişî dîyar bi

 

Îdianameyê sucê ‘qestî cinîya xo kişto' 5ê teşrîna peyêne de hetê Dadgeha Cezaya Giran a Erdîşî ra ame qebulkerdiş. Gumanbar Erdal Işikçi 1ê sibata 2022 de do vejîyo vernîya dadgere.