MERKEZÊ XEBERAN - 68 rêxistinê cinîyan bale antî serê problemê weşîye yê sîyasetmedarê kurdî Aysel Tugluk û vengdayîşê paştdayîşî kerdî û vatî: "Ma reyke bîn veng danê heme selahîyetdarê ke nê prosesê bêhuqûqî yê ke serê cuya ci de ameyê kerdiş do goreyê nê prsesî huqûq, zanist û wijdanî têbigeyrê."

 

68 sazgeh û dezgehê cinîyan ê herême û Tirkîya de semedê Aysel Tugluk eşkerayîyêk nuşteyî da û bale ant serê rewşa Aysele.

 

Eşkerayî de wina ame vatiş: "Aysele hemserakîya Partîya Komela Demokratîke (DTP) kerd. Aysele eynî wextî de huqûqnas a, pawitoxa heqê merdiman a, têkoşerê azadî û têduştê kurdan a û sîyasetmedar a. Aysele bi kede û têkoşînê xo cuya xo da werte û tarîxê sîyasî de rêçek  girîng ame verdayîş. 

 

Sey her kes zano hemverê cenazeya dayika ci hêrişêk nîjadî ame kerdiş. No çî vîrê aye de xisarêk pîl verda. Bi mengan tedawî û muayeneyê ci hetê Dezgehê Tibê Edlî yê Fakulteyê Tibî yê Kocaeliyî ame kerdiş. Netîce de qerarê nêeşkena zîndan de bimano ame dayîş. Eksê ci raporê ke hempar ame amadekerdiş, Dezgeha Tibê Edlî yê Stenbolî raporêk amade kerd.

 

Dezgehê Tibê Edlî, bi serran o bi raporê xo yê vera ehleq, vijdan û huqûqî amade keno dir yeno rojeve. Hemverê tepişteyê sîyasî yê ke nêweşîyê înan giran ê raporê 'eşkeno/a zîndan de bimano' amade keno. Nê raporan yew zî ke hemverê zanistê tibî semedê Aysele ame amadekerdiş. Dezgeh, nêweşîya Demansî ya Aysele înkar keno. Raporo ke ameyo amadekerdiş de xeylêk nakokî estê. Cewab nêdano îtîrazê ke ameyê kerdiş û tena nêweşîya ke giran bena temaşe kekno.

 

Ma wazenê Aysela ke bi serran o hemverê şîdetê cinîyan, semedê azadîya cinîyan sey sîyasetmedarêk têkoşîn kerda, serbest bêro veradayîş. Sewbîna çarçewaya 'Semedê cinîyan edalet' ma reyke bîn waştişê xo hem semedê Aysele û hem zî semedê heme tepişteyê sîyasî anê ziwan.

 

Her çiqas goreyê raporê bîyaye Aysele nêeşkena zîndan de bimano nîna tehliyekerdiş. Sere de Wezaretê Edaletî û dewlete berpirsîyar a. Eke derheqê rewşa weşîya Aysele de çîyêk biqewimyo nê berpirsîyar ê.

 

Ma reyke bîn veng danê heme selahîyetdarê ke nê prosesê bêhuqûqî ke serê cuya ci de ameyo kerdiş de îmza kerdê kenê ke goreyê nê prosesî bi huqûq, zanist û wijdan têbigeyrê.