STENBOL - Polîsan dest da serê cenazeya Vedat Çem Erkmenî ke bi hawayêke guman Zîndanê Tekîrdagî de dinyaya xo bedilna û nîno zanayîş ke berdê ça.

 

Vedat Çem Erkmen ke Zîndanê Tekîrdagî de tepişte bi, vizêr şan de bi hawayêke guman dinyaya xo bedilnabi. Otopsîyê cenazeye bêavûkat û keyeyî ame kerdiş. Keyeyş dimayê karûbarê otopsî waşt ke cenaze bero Komeleya Bazarcixî ya Dîgorî ke qezaya Esenyûrtê Stenbolî de yo û uca de merasîmêk bikero û uca ra zî bero Qers de defin bikero.

 

Polîsan dest da serê cenaze û remnayî. Nîno zanayîş ke cenazeya Vedat Erkmenî berdê ça. Ame zanayîş ke birayê Vedat Erkmen, Saîm Erkmen zî wesayîtê cenaze de yo û semedo ke polîsan dest dayo serê telefonê ci padaye yo.