AMED - Endama Heyetê Îdarekarîya Baroya Amedî Oyku Çakmak bale ant serê bêtêduştî hemverê cinîyan ê baroyan de û vat: “Bi rêxistinbîyayîşê xurt ê têkoşînê cinîyan dir do demê bêro de sereka baroyî yê cinî, temsîlkar û îdarekarê cinî yê baroyî tewr zêde bê."

 

Welat de 81 baro estê û tena 7 baroyan de serekê cinî estê û no zî nêzdîbîyayîşê hemverê cinîyan nîşan dano. Endama Heyetê Îdarekar a Baroyê Amedî avûkate Oyku Çakmak dîyar kerd ke baro û Yewîya Baroyê Tirkîya (TBB) de zêde ca nêdanê cinîyan.

 

Oykuye dîyar kerd ke goreyê dayeyê TBBî qanûnê 2020 heta nika 65 hezar û 533 cinî, 77 hezar û 797 avûkatî camêrdî bi pêroyî 143 hezar û 330 avûkatî wezîfe kenê û vat, çi heyf no temsîlkarîyê baroyan de xo nêdeno hîskerdiş. Oykuye wina vat: "Serekê baroyê Artvîn, Ordu, Samsun, Sînop, Trabzonî cinî yê. La serekê baroyê Sînop û Trabzonî weçînayîşê Heyetê Îdarekarîyê TBBî de ameyî weçînayîşî û no bikewo 5 heban. 1969 ra heta nika 9 tutê TBByî zî camêrdî bî. Çi heyf temsîlkarîya cinîyanyê TBB, heyetê kontrol û delegeyê TBBî de kêm o.”

 

'Ma semedê temsîlkarîyê têduşt têkoşîn kenê'

 

Oykuye wina vat: "Semedê têduştî û fehmêk adîlane ma têkoşîn kenê. Averşîyayîşê nê fehmî û têduştîyê cinsî bi bîyayîşê cinîyan ê mercîyê qerarê, mekanîzmayê îdarekarî de mimkun o. Na nuqta de ganî vernîya cinîyan bêro akerdiş û paştdayîşê polîtîkayê averşîyayîş bêro kerdiş. Vurnayîş bi têkoşîn mimkun o. TBB 4-5ê kanûne de 36in Heyetê Pêroyîyê kerd. Ma avûkatê cinî têhet û ma deklerasyonêk hempar îmza kerd.”

 

'Tena di avûkatî cinî ameyî weçînayîş'

 

Oykuye nê çî ard ziwan: “Prosesê amadekarîyê weçînayîşî de seranserî welatî de esasê camêrdî yeno kerdiş. Lîsteyê ke serekeyîn TBByî de Metîn Feyzîoglu amade kerdo, di heb lîsteyê ke Erînç Sagkan amade kerdo de zî cinîyêke namzet estbî. Semedê heyetê îdarekarîyê TBByî ke 10 kesî ra yeno meydan di avûkatî cinî ameyî weçînayîş."

 

'Ma xeylêk rastê bêtêduştîyan yenê' 

 

Oykuye tewr peyîn wina vat: “Demê vîyarte de Baroyê Amedî namazedê serekîyê cinîyan bî. La serrê peyîn de tewr zêde namzedê camêrdî estê. Ma na rewşe rexne kenê û semedê vurnayîşî hewl danê. Nika Kurdistan de cinî xeylêk cîyayîyan dir yenê rî bi rî. Semedê namzedî ma bi şîdetê dewlete dir yenê rî bi rî. La têkoşînê ma do her wext dewam bikero. Do bi têkoşînî serek, temsîlkar û îdarekarê ma yê cinî bibê."