BOLÛ - Ame neqlkerdiş ke Zîndanê Bolû yê Tîpê Tyê tepişteyo bi nameyê Îlyas Demîr hucreyê ke mendêne de bi hawayêke guman dinyaya xo bedilnaye. 

 

Ame îdiakerdiş ke Zîndanê Bolû Tîpê Tyê tepişteyo edlî Îlyas Demîr (32) ke cezaya muebedê giran ci rê dayê, hucreyî yewkesî de bi hawayêke merde ameyo vînayîş. Dimayê merdişê gumanbarî yê Îlyasî, keyayê taxe xebera mergî yê Îlyas Demîrî resna keyeyê ey merkezê Rihayî. Dimayê nê keyeyî telefonî îdarekarîya zîndanî kerd û îdarekarê zîndanî zî neql kerd ke xebere rast a. Nêame zanayîş ke Îlyas Demîr bi çi hawayî dinyaya xo bedilnaye.

 

Derheqê babete de Waya ci Ajansê Xeberan ê MAyî Mahîde Demîr vat, birayê ci 2013î ra nata zîndananê cîya cîyayan de yeno tepiştene û rixmo ke problemê ci yê psîkolojîkî estê nêame tedawîkerdene. Mahîde Demîr vat ê do derheqê îdareyê zîndanî de pêhesanayîşê sûcî bikerê.

 

Çar rojane peyênan de hîrê cenazayî zîndanan ra vejîyayî. 14ê kanûne de Zîndanê Şakranî de Abdulrezak Şuyur, 15ê kanûne de Zîndanê Amedî Halîl Guneş û ewro zî Îlyas Demîrî dinyaya xo bedilnaye.