STENBOL- Endamê KÎH-YÇ Hîlal Gencay rewşa heqê cinîyan ê tirkîya de erjnayîş kerd û vat; îqtîdar bi antişê Pêkerdişê Stenbolî ra duştê konseptê seyyewbînîye cînsê komele şer dayo destpêkerdiş û vat: "Ma heqê xo wina asan bidest nêkerdo. Ma wina asan zî dest ci ra vera nêdanê."

 

10ê  Kanûna 1948î ra heta nika, 10ê Kanûne Roja Heqê Merdiman ke Beyannameyê Unîversalî yê Heqê Merdiman îmza kerdê, yena pîrozkerdiş. Hewteyê 10 û 17ê Kanûne de çalakî û bernameyî yenê kerdiş û dîqet ancenê serê heqê merdiman. Tirkîya zî nê beyannameyî îmza kerda. La tirkîya babeta heqan de hema yena munaqeşekerdiş. Xusûsî cinîyî xo nêresnenê xeylê heqanê xo û sebebê ney zî polîtîkayê îqtîdarî yo. Îqtîdar  vera ke hizûr awan bikero, şaran keno yew tîp û netewperestîye ferz keno.

 

Endamê Komeleyê Çareserîyî ya Newe ya Heqê Merdiman ê Cinîyan (KÎH-YÇ) Hîlal Gencay, Tirkîya de binpaykerdişê heqê cinîyan û sewbnînan karneya heqê cinîyanê tirkîya de ajansê ma rê erjnayîş kerd.

 

'Heta xerîteya rayîrî çinî bo polîtîkayê pêroyînî zehmetê'

 

Hîlale vat, serebûtê 2021î de mohrê xo heqê cinîyan dayo tepîya antişî Pêkerdişê Stenbolî bîyo û vat, reya ewil bîyo ke welatêk pêkerdiş îmza kerda û sewbnînan ci ra tepîya ant tirkîyaye ya û vat: "Pêkerdişê Stenbolî babeta heqê cinîyan de ya û vernîgirewtena şîdetî yê pêkerdişê mîyanneteweyî yê tewr verhîra bî û babeta vernîgirewtişê şîdetî de xerîtaya rayîrî yê hîra pêşkêş kerd. Seba nê zî heta ke rayberîyê nê xerîteya rayîrî çinêbê, averşîyayîşê polîtîkayê dewlete zaf zor o. Peynî tepîyaantişê Pêkerdişê Stenbolî duştê seyyewbînîyê cînsî yê komelî de şer ameyo destpêkerdiş.

 

'Cinî her tewir şîdetî reyde ameyê rî bi rî'

 

Hîlale bale ant sey serra verê 2021î de cinî bi her tewir binpaykerdişê heqan dir ameyê rî bi rî û şîdetê mêrdan bi tewirêke cidî zêde bîyo. Hîlale wina neql kerd: "Cinîyan emsar babeta perwerde û xizmetê weşîye de zehmetî ant. Heqê cînsî, welidnayîş, ekonomîye ra feydeyêk mird nêgirewt. Seba pandemîyî zî tesîr giran bê û binpaykerdişî zêde bî."

 

'Rolê îqtîdarî û hukmî'

 

Hîlale dîqet ant serê rolê îqtîdar û hukmî û wina derg kerd: "Pêkerdişê Stenbolî 2021î de vînîkerdişo tewr pîl bi. Cinîyan na babete de tekoşînê xo dewam kerdî û dewaya vindarnaîşê qerarî akerdî. La na ameye redkerdiş. No zî mojneno ra ke rolê îqtîdarî esto. Serekkomar Erdogan vano, wextê ey de heqê cinîyan  averşîyayîş esto. Tirkîya de Hereketê Femînîstan ê 30 serrî estê. Netîceyê têkoşîna înan de destkewtişê pîlî ameyê dest kewtiş. Pêwa nînan Pêkerdişê Stenbolî ame antiş. La ma wina heqê xo rehet destnêkerd û ma bi rehetîye zî fek ci ra vera nêdanê."