Medya Uren - Derya Ren 

 

MÊRDÎN - Cinîyê Sîyasetmedarî û Dadîyê Aştîye yê Mêrdînî, derheqê merdişê bişik yê Garîbe Gezer de razînêbîyayîşê xo ardî ziwan û îzah kerdî ke ê do verê tirkîya de sereyê xo nêtewênê. Cenîyan vat; qetilkerdena cinî neyarîya duştê cenîyan a û do cinî tim û tim seba dewaya Garîbe taxan de bê. 

 

Garîbe Gezere ya Zîndanê Kandirayê ya Humara 1ine ya Tîpê Fyî yê Kocaelî de tepiştebî, bi îşkenceyêko sîstematîk û desteştişî dir rî bi rî mendebî û hucreya ke te de tebat kerdêne û tepiştebî awayêko bişik dinyaya xo bedilnaye. Cenîyanê Mêrdînî û herême roja yewin ra heta merdişo bişik zî çalakî tertibkerdî û bî vengê Garîbe. Cenîyê Sîyasetmedarî û Dadîyê Aştîye zî mîyan de duştê merdişê Garîbe yo bişik ser o ajansê ma rê qisey kerdî. 

 

‘Ma întîxar qebul nêkenê’

 

Avûkate û Hemsereka Şaredarîya Nisêbînî ke qeyyûm vera ci ameyo tayînkerdişî Semîre Yilmaz destpêkerdena qiseyanê xo de xemgînî yê xo ardî ziwan û wina neql kerd: "Her çiqas vajê Garîbe xo kişto zî, ma qebûl nêkenê û ma vanê no merdişêko bişik o. No seba heme cenîyan zî vîyartbar o. Ma weş zanenê ke heta serebûtê întîxarî rî dano, zaf serebûtî yenê sereyê a kese. Coka ma întîxar qebûl nêkenê." 

 

‘Çi ame sereyê Garîbe?’

 

Semîre neql kerd ke, hetêk de merdena Garîbe ya bişik, cayê serebûte zî muhîm o. Semîre da zanayene ke Garîbe mîyanê awayîya dewlete de ameye qetilkerdiş û vat: "A taxêka, a cuya laserêka cuye tepişteyanê dewlete amebî, bîy persî. Coka wexto ma temaşe kenê, ney tenê merdişî, vernîyê merdişî zî est o. Zîndane de Garîbe amebî îstîsmarkerdene û tehda aye rê ameye kerdiş. Peynî merdişî zî rewşa raporê otopsî dîyar nê bî. Nê pêro bi xo cayê gumanî yê. Ma cinî persenê ‘çi bi Garîbe Gezer ameye?’ Ma vanê dewlete verpersîyarê xo nêardo ca bî sebebê merdişî.”

 

‘Vatişê întîxarî qet rast nîyo!’

 

Çalakgere TJAyî Rênas Abûrşû zî da zanayene, ewro derûdormeyê tepişteyanê sîyasî asayîşêk pîl esto û vera nê yewî de qalê întîxarî bikerê do rast nê bo û wina dewam kerd: "Senîn beno ke hende binpaykerdişê heqan duştê tepişteyê sîyasî de bêrê ca, bi astengkerdene û mîyanê şert û mercê tengî de bimanê hetê aye ra zî seba ke na yewî neql kena zî mirena. No yew şik o pîl o zerrîya ma de awan keno. No merdişêko rêze ra nîyo. Hemraya ma zî rey rey bi mektûb û vînayîşê keyî dir kerdê, rewşa xo yo zordestîya ke ser o amebî kerdiş ardbî ziwan. Pêwa nê yewî ma do senîn bieşkin qalê xokiştişî bikerin?" 

 

‘Qetilkerdişê Garîbe polîtîk o’

 

Rênase da zanayene ke sûcdarê serebûte seba ke wezîfedarê dewleteyê nînê cezakerdiş û reaksîyona xo wina vat: "Heme serebûtê îstîsmarî û qetilkerdişê cinîyan de bêşik ma bi polîtîkayê bêcezayîye dir rî bi rî yê. Senîn ke înan Îpek Ere qetil kerd, bêceza ameyê mendene do no zî bêceza bimano. Ma eşkenê nê serebûtî bişibinê serebûtê Îpek Er e zî. Seba sûcdarî kesê bi unîforma yê, coka nînê cezakerdiş. No zî bi usûlêko. Ma vîna ke wexto serebûtê îstîsmarî bî rojeve zî kesêke çîyêk nêkerd. Coka ma cinî do hesabê nînan bipersin."

 

‘Ma do dewaya ci erd de nêverdê’

 

Gulîzar Seyhan zî wina vat: "Şîdetê serê Garîbe û îşkenceyê ke zîndanan de serê tepişteyê sîyasî yeno kerdiş, dişminîyê hemver kurdan û bêtehemulîyê hemver cinîyan o. Wazenê cinî, bi cinîyan dir zî kurdan tesfiye bikerê. Amanc tîya de no yo. Qetilkerdişê Garîbe serebûtêk rêze ra nîyo. Qetikerdişê aye hêrişêk hemverê ma hemine yo û ganî ma wina bigirî dest. Ez bawer a ke do cinî û ciwanî hemverê nê reaksîyonêk xurt nîşan bidê. Do bibê vengê Garîbeyan û têkoşînê ci pîl bikerê. Ma do dewaya Garîbe erd de nêverdê.”