STENBOL - Cinîyê ke vizêr tewrê  Kongreya Rexistinê Merkezê yê HDPyê Stenbolî bî dîyar kerdî ke bi  hezaran kesê ke salone de bîyê, ‘Kurd HDPyî ra hes nêkenê’ cewab û wina vat: "HDP semedê şaran hêvî ya. Kongre reyke bîn hêvîya ma taze kerd." 'Bîyayîşê ma yê wareyan zorê înan beno' veng dayî Suleyman Soylu.

 

Rêxistine HDPyî ya Stenbolî bi şîarê ‘Stenbol de demê HDPyî' Kuçukçekmeceyî de Merkezê Kulturî Yahya Kemal Beyatli 4ine Kongreya xo ya Asayî bi tewrbîyayîşî hezaran kerd. Cinî, ciwanî û her welatî ra tewrê kongreyî bî û derheqê vatişê wezîrî karê zereyî Suleyman Soylu yê Meclîsî derheqê HDPyî de vatibî ‘Kurdî şima ra nefret kenê’ de cewabê xo dayî.

 

Cinîyê ke tewrê kongreyî bî, dîyar kerdî ke peynîya AKPyî ameyo û semedê nê hêrişî HDPyî keno û vatî, ê sey cinî do tu wext sere nêtewênê û dimayê hêrişan ê tewr zêde xurt benê.

 

'HDP taca sereyê ma yo'

 

Melîke Kartal vatişê, Suleyman Soylu yê meclîsî derheqê HDPyî de vatibi, ‘Kurdî şima ra nefret kenê’ ard vîr û bale ant serê atmosferê kongreyî û vat: “Kurdî HDPyî ra nefret kenê, semedê nê ameyî kongre. Kurdî eksê ci roj bi roje zêdeyêr HDPyî wayîr vejênê. HDP partîya demokrasî û aştîye ya. Eynî demî de tena partîya kurdan nîya, partîya heme dinya ya. Semedê HDPyî biqedênê xeylêk embazê ma tepiştî û ê çiqas hewl dayî HDPyî padê, partî pîl bî. Suleyman Soylu bêçare mendo û vano, ‘Kurdî şima ra nefret kenê.’ Yê HDPyî ra nefret kenê, kurdî kîşte ey de yê. Ê xora Kurdî nîyê, xo rotê. Kurdbîyayîş ra dûr kewtê. Heq û huqûq kîşte HDPyî de yo. HDP esto û do her tim bibo. Partîya ma taca sereyê ma ya.”

 

'Peynîya înan ameya'

 

Nîgar Dogan wina vat: "Semedê ma vernîya sîyasetê Tirkîya akerê, kongre de yê. Hêvîdar a bibo wesîleyê aştî û têduştî. Ma sey HDPyî her tim kîşte aştiye de bî. Vanê kurdî HDPyî ra nefret kenê, ya rast kurdî înan ra nefret kenê. Ma nêwazenê vatişê înan bieşnawê. Peynîya înan ameya. Dimayê weçînayîşî do bibê partîya tabela. Semedê nê hêriş kenê. Bê HDPyî Tirkîya de tu çîyêk nêbeno. La demê HDP bêro do her çî hîn weş bibo."

 

'HDP semedê şaran hêvî yo' 

 

Fatma Yakoglu zî wina vat: "HDP partîya kurdan nîyo, partîya heme şarano. Suleyman Soylu zano ke peynîya înan ameyo û bîyo çop. Wazenê zul bikerê. La do peynîya nê zulmî bêro. HDP semedê şaran hêvî yo. HDP partîya cinîyan o. Cinî binê zulmî de yê. HDP kîşte cinîyan de yo. Cinî zaf HDP ra hes kenê."

 

'Kongre hêvîya ma taze kerd' 

 

Işil Karababa zî wina vat: “HDP goreyê esasî û bawerîyan têgêreno. Hêrişê hemverê HDPyî problemêk sîstematîk o. HDP vano, problemê esasî û îdealan de eşkeno bêro çareserkerdiş. Bi HDPyî dir hêvîya ma hemine taze bî. Kongre goreyê mi xeylêk weş û mesajêk baş bî. Sey şexsî û sey rêxistinbîyayîşî zî hêvîya mi taze bî.”

 

'Demê ma meydanan de vînenê zorê înan şino'

 

Turkan Ozdemîr zî dîyar kerd ke HDP xeylêk rengan û aştîye hewênenê û wina vat: "HDP aştî û azadîye temsîl keno. Ma ewro salone bi reng û alayê xo pirr kerd. Ma mojna ke ma estê. Partî ra padê zî semedê ma girîng nîyo. Ma estê. Nameyê partî bivuro la merdimî eynî yê. Çiqas vernîya ma bigirî  zî ma xurt bîyê. Ma cinîyê kurdî bi coş û rengê xo cewab da Suleyman Soylu.”

 

'HDP sey tehdîd vînenê'

 

Şengul Ayaz zî wina vat: “HDP polîtîkayê ke beno cewabê heme problemê Tirkîya û semedê nê ma HDPyî tercîh kenê. HDP hemverê talanî pêşnîyazê çareserî keno. Yê teda û zulm kenê HDPyî sey tehdîdî vînenê. Vatişê Suleyman Soylu yê ‘Kurdî nefret kenê' zî komelî de beramberê ci nêvînenê. Kongre bi cewabê nê."

 

'Wa meydanan rê biewnê'

 

Zîynet Dayma zî wina vat: “Ma rayanê xo nêroşenê. Ê her ke hewl danê ma çin bikerê ma hîn zêde xurt benê. Ma semedê aştî, heq, huqûq û demokrasî ameyî kongre. Wa Suleyman Soylu çimanê xo abikero û tîya ra biewno. Wa meydanan rê biewnê ka ma nefret kenê yan ney. Vatî, HDP nêeşkeno di kesan bîyaro têhet la kongreyan de mîlyonan ard têhet. Ma her ca de yê."