MERKEZÊ XEBERAN - Zuriche de hezaran zafêr cinî kewtî taxan û seba dîqet biancê serê sucê tedayê duştê cinîyan û naskerdena unwanê qetilkerdişê cinîyan çalakîye viraşte. 

 

Şaristanê Zuriche ya Swîsrî de bi rayberîya Tifaqê Niuna Menos ke Yewîyîya Cinîyan ê Kurdê Swîsrî zî mîyan de 156 sazgeh û hereketê cinîyan, duştê qirkerdişî cenîyan de rayrayîş ame organîzekerdiş. 

 

Şexsê cinîyê ke bi tedaya mêrdan ameyê qetilkerdiş de, veng Hukmatê Federale ya Swîsrî ame kerdiş ke Qerarê Pêkerdişê Stenbolî bi ca bîyarê. Hezaran zafêr cinî bi na amance Heltiaplatze ameyî têhet. Tifaqe waşt ke unwanê qirkerdişê cinîyan bêro naskerdene û qanûnê cezayî bêro cakerdiş. Sewbîna seba tekoşînê duştê tedaya cenîyan Hukmatê Federale paştgirewtene bido. 

 

Çalakîye de sloganê "Cinî, Cuye, Azadî" zî ameyî berzkerdiş. 

 

Cinî peynî ke mîyanberê şaristanî de rayşîyayîş kerdî, Helvetiaplatze agêrayî û eşkerayî dayî. Endama Yewîyîya Cinîyan ê Kurdî yê Swîsrî Ozen Aytaş qalê tedayê mêrdan û dewleta tirkîya, tekoşîna cinîyan ê Kurdî duştê nê çî kerd û vat: "Ma cinîyê Kurdî, ma do tekoşînê xo tekoşînê cinîyanê dinya reyde bikerin yew, bi na renge cuya merdimî, cinî û xozaye xo rê bikerin asas û duştê komkiştişî de tekoşînê xo dombikerin.”