RIHA - Emîne û lajê xo Ferît Şenyaşar ke "Nobeda Edaletî" roja 279ine de dewam kena: "Beno ke dewlete yê ke zulm kenê, efû bikero. La komel înan efû nêkeno.” 

 

Qezaya Pirsûsî ya Rihayî de avûkat û merdimê Parlamenterê AKPyê Rihayî Îbrahîm Halîl Yildiz 14ê Hezîrana 2018 de hêrişê ferdê Keyeyê Şenyaşar kerdî. Hîrê ferdê keyeyî ameyî kiştiş. Emîne Şenyaşar û lajê xo Ferît Şenyaşar ke hîrê ferdê keyeyê înan ameyî qetilkerdiş, 9ê Adare de verê Edliyeyê Rihayî de, Nobeta Edaletî gênê. Nobeta keyeyî roja 279ine de dewam kena.

 

Semedo ke peynîya hewteyî ya û  edlîye padaye ya, keye banê xo yê  Pirsûsî de nobeta xo dewam keno. Keyeyî Şenyaşarî serê hesabê xo yê medyaya dîjîtalî de nê mesajî pare kerd: "Yê ke paşta xo danê Kral yew bi yew kewenê. Beno ke dewlete yê ke zulm kenê efû bikero, la komel înan efû nêkeno."