Melîke Aydin

 

ÎZMÎR - Femînîste, aktîvîste Ebru Dînçer dîyar kerd ke ganî şîdetê camêrdan û dewlete bi pêroyî bêro ercnayîş û dîyar kerd ke bi vatişê îqtîdarî û polîtîkayê bêcezaverdayîşî dir wazenê komelêk vera şîdetî bêhîsgêr awan bikerê.

 

Şîdetê camêrdan roj bi roje zêde beno û bi çapemenîyêke ke şîdetî teşwîq keno û camêrdan paweno, paştdayîş danê nê. Femînîste Ebru Dîncer dîyar kerd ke sebebê zêdebîyayîşê şîdetê camêrdan, girêdayê polîtîkayê cinîyan ê îqtîdarî yo û vat, hemverê kesê ke vera şîdet û politîkayê bêcezaverdayîşî teda û tepiştiş yenê kerdiş û bi nê caardişan zî wazenê komelêke bêhîsgêr bêro awankerdiş.

 

'Camêrdî cesaret dewlete ra gênê' 

 

Ebruye wina vat: “Stenbol de metroyêk de camêrdêk bi çimsûrî bi kardî heqaret cinîyêke rê kerd. Na rewşe zî nîşan dana ke camêrdî hîn cayan ra cesaret gênê. Bi çimsûrî û cesaretê nêzdîbîyayîşêk wina, hêrişî bêguman teşwîq û cesaretê ke îqtîdar ra gênê. Dimayê antişê Pêkerdişê Stenbolî, bi qerarê ke ameyî girewtiş, tesîr serê vatişê camêrdan û şîdetê serê cinîyan de bi. Camêrdî vanê, ‘ez o çend serran rakewî û vejîyî."

 

'Nêtepiştişê Musa Orhan polîtîkayê dewlete yo'

 

Ebruye dîyar kerd ke dimayê Pêkerdişê Stenbolî ameyo antiş, şîdet zêde bîyo û no vatişê camêrdan de zî xo dano teber û  mêran de jî xwe didin der û wiha wina bale ant serê nêtepiştişê Musa Orhanî: “No mesajêk net o semedê kiştox, versûcê tecawuzî û kesê şidet cinîyan rê kenê; ‘Ez paşta şima de ya.' Antişê Pêkerdişî û qiseykerdişê sîyasetmedaran hêz dano gumanbaran.”

 

'Yê ke vera şîdetî têkoşn kenê yenê cezakerdiş' 

 

Ebruye nimûneyê Kadîr Şekerî da û wina vat: “No yeno manaya, ‘tewrê têkiliyê mîyanê keyeyî mebê, şima do beşêk pîl ê cuya xo zîndan de derbaz bikerê.' Semedê kesê ke vernîya şîdetî gêno hende ceza yena dayîş la gumanbarê ke cinîyan qetil kenê, ceza yena waştiş. Cezaya ke Kadîr Şekerî rê ameya dayîş, mesajê ‘camêrdî eşkenê ci ra hêz bigîrê, eşkenê şîdet bikerê, şima mekewê mîyanê nê sînoran.' danê."

 

'Camêrdî serbest yenê veradayîş'

 

Ebruye tewr peyîn wina vat: "Eke rêçêke serê bedenê cinîyan de çinbo, rapor nêdanê. Pêkerdişê Stenbolî de antiş bibo zî qanûnê hûmara 6284 esto la no bi ca nîno. Vanê şore verê mêrdeyê xo çîyêk nêbeno. Şawenê cayê şîdetî."