Derya Ren-Medya Uren

 

MÊRDÎN - Dayîka Garîbe Gezer, Helîme Gezer derheqê merdişê bi guman ê Garîbe ser o qisey kerde û dîyar kerde ke ê do berpirsiyarê ke bî sebebê kiştişê Garibe do bê ceza nêmanê û vat: "Demo ke kênaya mi îşkence û hêrişê înan ê cinsî îfşa kerd, dîyar bi ke do bêro qetilkerdiş. Labelê senîn Garîbe bêveng nêmende ma do zî bêveng nêmanê, nê zî bitersê."

 

Garîbe Gezer ke Zîndanê Kandirayî de hûmara 1ê yê Tîpê F tepişte bî, îşkenceyêk sîstematik û desteştişî dir rî bi rî mende bî. Hucreyê ci de ameyîne tepiştiş bi hawayêke guman dinyaya xo bedilnaye. Netîceyê otopsî verê ke avûkatê aye û keyeyê ci bigîrê û rapor de zî sebebê kiştişî nêame eşkerakerdiş. Dayîka Garîbe, Helîme Gezer serê merdişê bi guman ê kênaya xo ajansê ma JINNEWSî rê qisey kerd.

 

'Garîbe hemverê zulmî tewr bî' 

 

Helîme sere de qalê rewşa keyeyê ke Garîbe ci de pîl bîya kerd û wina vat: "Cuya ma bi şer û pêrodayîşan dir derbaz bî. Here roje polîsî verê berê ma de bî. Bi bahaneyê qijî kewtêne keye û ma aciz kerdêne. Lajê mi ame qetilkerdiş û lajê mi zî demê ke versûcê birayê xo gêrayîne  polîsan pey ra da pi ro û felç verda. Lajê ke mi zî nika Zîndanê Xarpêtî de yo. Garîbe mîyanê şert û mercan de pîl bî. Dima ra zî qerar da ke vera ci wurzo û sere wedarno."

 

'Garîbe rîyê înan îfşa kerd' 

 

Helîme bale ant serê problemê ke Garîbe ci dir rî bi rî menda û wina vat: "Garîbe tewrê partî bî. Dimayê demêk kilm de ameye tepiştiş. Zîndan de xeylêk zehmetî ancenê. Tewr peyîn zî bi mektubêke hetê polîsan ra ame sansurkerdiş, rewşa ci de bî neql kerdib. Heme kerdişî, îşkence û istismarê zîndanan de yeno kerdiş îfşa kerdebî. Senîn ke verê ci ra tersayî û tepiştî, o wext zî ci ra tersayî. Demo ke no ters kewt zerrîya înan zî dîyar bî ke do nê çî bîyarê sereyê înan. Mi ci ra vatibi zî. Mi vat, to înan aciz kerdo, ê do to rehet vera nêdê. A zî rayîrê ke zanayîne şaş nêbê û xo ver da."

 

'Garîbe ameye kiştiş, heta ke berpisîyarî bêrê cezakerdiş ma do têkoşîn bikerê'

 

Helîme vat, ê do tu wext vatişê xokiştişî qebul nêkerê û wina vat: "Vatî aye xo kişto. Ma nê vatişî qebul nêkenê. Garîbe ameye kiştiş, heta berpirsîyarî bêrê cezakerdiş, ma do têkoşîn bikerê. Na rastî vernîya çimanê ma hemine de ya. Oyo ke biwazo rastîyan bivîno çimanê xo panêdano. Ma vernîya nika zî qalê îstismarê ke Garibe rê amebi kerdiş, kerdibi. Seke şima zî dî destûr nêdayî ke ne avûkatî, ne parlamenter û ne zî verdayî keye şêro otopsî. Netîceyêk veng kerdî destê ma."

 

'Ma do pey dewaya Garîbe de bê' 

 

Helîme reyna ard vîr ke dewleta tirkî kênaya aye kişta û vat: "Vanê qey  ma do dimayê Garîbe bitersê û bêveng bimanê. Ma nêtersenê. Ma do pey dewaya Garîbe de bê. Înan qetil kerd û ma do hesabê ci pers bikerê. Heta peynî zî pey vatişê xo ya. Înan îstismar kerd, înan şîdet kerd û bes nêbê qetil kerd. Dewleta tirko ma ra çi wazena? Erdogan ma ra çi wazeno?"