Şehrîban Aslan

 

AMED - Hetê Wezaretê Karê Zerî ra keyeyê Fîkrî Demîrbaş ke 2017î de wesayîto zirxî ginayo piro û dinyaya xo bedilna yî, îdîaname de "wesayîto zirxî zirar vînayo" dewaya tezmînatî ya 250 hezar Euro ameya akerdişî û dewa do 24ê Çeleyî yê 2022yine de bêro vînayîş. 

 

20ê Hezîrane ya 2017î de serê rayîrê Amed û Çewlîgî de wesayîto zirxî dabî wesayîtêke ro û kesê wesayîte de bî, ameyî qetilkerdiş. Naye ser o Wezaretê Karê Zerî,  keyeyê ramitoxê wesayîtî Fîkrî Demîrbaş ke ame qetilkerdene, bi mehna ya "zirar dayo wesayîtî ro" Dewaya Tezmînatî ya 250 hezar Euro (2 milyon û 669 hezar û 487 kaxit û 14 TL) akerd û 2019î de îxtarname keye rê şawit. Wezaretî amanco keyî pere nêdayo ser ro, Hîrêyin Dadgeya Huqûqê Sulhî da û dewaya tezmînatî akerd. Waştişnameyî de ame vatene ke ramitoxî wesayîtê sivîlî Fîkrî Demîrbaş şerît îhlal kerdo û seba na qeza ameya ca û Fîkrî Demîrbaş bi qusûr ameyo vînayîş. 

 

Keye rê dewa akerd 

 

Waştişnameyî de wina ameyo vatiş: "Wesayîtê aîdê sazgehê ma yo, ma tam xesar vîna yo. Wesayîtê ma yo newe 350.000.00 Euro yo û nika rewşa vayîye ci 100.000.00 Euro ya. Na rewşe de zirarê ci 250.000.00 Euro kewt o. Hûmara dosya 2017/31e  D ya Diyîn Dadgeha Huqûqî ya Sulhî ya Amedî 581.80 TL avansê xercî ameyo rakewtene û pêro 250.000.00 +581.80 TL cematî ameyo tesbîtkerdene." Sey nînan ameyî vatiş ke keye 2019î ra qet pere nêdayo. 

 

Dadgehe qebûl kerd a 

 

Hîrêyin Dadgeha Huqûqîya Aslîye yê Amedî ke dewa qebûl kerd, duştê dewaya amebî akerdiş, seba  pawitişê bi nuştekî bikerê, nuşte şawit keyeyî rê. Dadgehe qerar da ke seba rewşa ekonomî ya şarê keyeyî bero cigêrayîşkerdiş û Mudurîyetê Asayîşê Amedî rê bêro nuştiş; qeydê trafîkê wesayîtê plakayê 21 DH 918î ya ke wesayîto zirxî pelçiqnawo, bêro girewtene û tarîxê 20ê Hezîrane ya 2017î de nameyê kam î ser o qeydkerde ya bivejîyo werte. 

 

Dadgehe qerarê ke dewa roniştiş bêro vînayîş dayo. Dadgehe kifş kerd ke wurdî hetî do 24ê Çeleyî yê 2022yine de roniştene de hadre bê.