AMED - Derheqê endama Komeleya Cinîyan a Rosa û Meclîsê Şaredarîya Rezanî Panayîr Çelîk de, dozgere bi sebebê 'endamê rêxistine de' 15 serrî ceza wașt.

 

Amed de 20ê Temûza 2020î de polîsan eşt serê keyeyê Endama Meclîsê Şaredarîya Rezan û Komeleya Cinîyan a Rosa, Panayîr Çelîke û destbend kerd. Panayire ke vejîya vernîya dadgehe ameye veradayîș. Serdozgerîya Komare ya Amedî derheqê Panayir Çelîk de bi sûcdarîya 'endamîya rêxistine'  îddîaname hadre kerd. 

 

Îdîaname de, beşdarbîyayîșê çapemenîya eşkerayîye, protestoyê qeyûman ke seba Șaredarîya Șaristan a Gird a Amedî, beșdarbîyayîșê serweșîyan, beșdarbîyayîșê vîrameyan 6 sîyasetmedarê cînîyê Kurdê Parîs û Silopîyî de ameyî qetilkerdișî sûc ame hesebnayene. 

 

Îdîanameyê ke ame hadrekerdene hetê Dadgeha 11ine  ya Cezaya Giran a Amedî ra ameye qebûlkerdiș. Roniștișê Panayîre 6ê çeleye de ameye vînayene û dozgerî mutaalayê xo pêşkêş kerd. Dozgerî derheqê Panayîre de seba îfadeyê şahidê limitkî, endamîya a ya Komeleya Cinîyan a Rosa, TJA, KJA û KCDyî bi sûcdarîya 'endamîya rêxistine' 7 serre ra heta 15 serran ceza waşt. 

 

Roniştișê qerarî yê dewaya derheqê Panayîre de do 13ê çeleyî de bêro vînayene.