MERKEZÊ XEBERAN - Nawitişê wendekarê unîversîte û akademî ewro zî Silêmanî, Ranya, Qeladiz, Koye, Germîyan û Helepçe de dom kerd. Wendekarî dîyar kenê ke waştişê înan ê sereyîn dayena xercê menganeyê û xizmetê sereke yê.

 

Nawitişê wendekarê Herêma Federe ya Kurdistanî ke unîversîte û akademî de domnenê ewro zî  Sîlêmanî, Ranya, Qeladiz, Koye, Germîyan û Helepçe de verê berê unîversîteya xo de kom bî û bi sloganan û bi berzkerdişê pankartan waştişê heqê xo kerdî.

 

Seke yeno zanayene serra 2014 de bi bahaneyê krîz û şerê hemverê DAIŞî xerckerdişê mengane ya wendekarê unîversîte û akademîyan ameyo birnayîş. Wendekarê ke semedê xercê xo bi rojan wareyan de yê waştişê heqê xo kenê. Mîyanê di hewteyê vîyarteyî de xeylêk cayan de hêzê asayîşî hêrişê wendekaran kerdî, xeylêk wendekarî birîndar bî û xeylêk zî ameyî destbendkerdiş. Wendekarî dîyar kerdî ke heta waştişê înan bi ca nêrê ê do wareyan de bê û çalakîya xo dewam bikerê.