ANQARA - Zîndanê Cinîyan ê Sîncanî de derheqê 51 tepişteyê cinîyan de bi bahaneyê govende kerdê, kilamê bi kurdkî vatê û sloganan berz kerdê cipersayîş ame destpêkerdiş.  

 

Zîndanan de her ke şino teda û zordarîyê hemverê tepişteyan zêde beno. Nê zîndanan ra yew zî Zîndanê Cinîyan ê Sîncanî yo. Her rey bi tedayêk zîndanî yeno rojeve. Derheqê 51 tepişteyê cinîyan de bi bahaneyê kilamê bi kurdkî vatê, govende kerdê û sloganan berz kerdê cipersayîş ame destpêkerdiş. 

 

Selahîyetdarê zîndanî, aktîvîteyê komelî sey "tevgerêk rêxistinî" ercna û gardiyanê ke bî şahîd zî îfadeyê xo vatî, "Çîyêk bi vengî û kurdkî wendî, la ma nêzanê çi wendê.” Tepişteyê cinî cezayê disîplînî ra vejîyayî û muracatê Dadgeha Înfazî kerdî. Dadgeriya Înfazê 2yîn ê Anqarayî zî derheqê muracatê tepişteyan de waşt îfade bigîro û dewa akerd. Tepişteyî waştî ke îfadeyê xo bi kurdkî bidê. Dadgerî zî mesrefê tercumanî waşt ke tepişteyî bikerê. Tepişteyî zî vera nê vejîyayî û vatî pawitişê bi kurdkî heqêk o.

 

Tepişteyan dîyar kerd ke eke na ceza nêro xirakerdiş do muracatê Dadgeha Cezaya Giran bikerê. 

 

Nameyê 51 tepişteyê ke ceza girewtê wina yê; "Alev Yarar, Ayşe Topçu, Fatma Aslan, Leyla Uyanik, Mahîde Şahîn, Mehtap Kiyar, Newroz Muçel, Nîlufer Şahîn, Sariye Taîkesen, Sîmanûr Pamuk, Zerrîn Yilmaz, Zeynep Sipcîk, Arjîn Yuksekbag, Ayla Akat Ata, Dîlan Aslan, Ayşe Yagci, Berîn Sari, Bermal Bîrtek, Bîrcan Yorulmaz, Demet Resuloglu, Dîlan Oynaş, Dîlber Tanrikulu, Dîlek Hatîpoglu, Dîlek Yagli, Elîf Çetînbaş, Gulşan Adet, Hanim Yildirim, Hîcran Bînîcî, Jiyan Ateş, Melîke Kaya, Melîke Goksu, Meryem Adibellî, Mukaddes Kubîlay, Mukaddes Kabak, Necla Yildiz, Nedîme Yaklav, Nuriye Adet, Pervîn Oduncu, Pinar Tîkît, Rihan Kavak Ozbek, Rojdan Erez, Rozerîn Kurt, Saadet Akin, Sabîte Ekinci, Sedef Demir, Selver Îspîr, Şermîn Demîrdag, Ozlem Demîr, Suheyla Taş, Zeynep Bîngol û Servîn Karakoç.”