MERKEZÊ XEBERAN - KCDPyî raporê xo yê menga teşrîna peyêne de eşkera kerd ke 25 cinî menga teşrîna peyêne de ameyê kiştiş û 10 cinî bi hawayêke guman dinyaya xo bedilnayê.

 

Platformê Ma do Kiştişê Cinîyan Vindarnê (KCDP) raporê şîdetê camêrdan ê menga teşrîna peyîne 2021î eşkera kerd. Goreyê raporî menga teşrîna peyêne de 25 cinî ameyê kiştiş, 10 cinî zî bi hawayêke  bi guman merdê. Sebebê kiştişê 25 cinîyan ê 10 cinîyan nêame zanayîş, 13 cinî zî hetê camêrdê ke înan dir zewicnayeyê yan zî nêverdayî têkilî ronê ameyî kiştiş.

 

Kiştoxî reyna kesê nêzdî ra yê

 

Goreyê raporî; 25 cinîyan ra 10 cinî hetê mêrdeyê xo ra, 5 cinî hetê embazanê xo camêrdan ra, cinîyêke hetê embazê xo yê verê ra, 4 cinî hetê camêrdê ke înan dir zewicnayeyê, 3 cinî hetê merdimanê xo ra, 2 cinî hetê pîyê xo ra, cinîyêke hetê birayê xo ra, cinîyêke hetê lajê xo ra, 2 cinî hetê kesê nasan ra ameye kiştiş. Sebebê kiştişê cinîyêke zî naême tespîtkerdiş.

 

Cinî keyeyê xo de ameyê kiştiş 

 

Nê cinîyan ra 20 cinî keye de, 4 cinî teber ra, 3 cinî cayê karî û cinîyêke zî mîyanê erdî de ameya kiştiş. Cayê ke cinîyêke ameya kiştiş nêame tespîtkerdiş. Se ra 69î cinî menga teşrîna peyêne de ameyî kiştiş, keyeyê xo de ameyê kiştiş.