WAN - 6in roniştişê dewaya Sevîl Rojbîn Çetin ewro 2yîn Dadgeha Cezaya Giran ya Wanî de ame vînayîş. Heyetê dadgehe reyke bîn roniştiş taloqê 17ê sibata 2022 kerd.

 

Endama Heyetê Îdarekerdişê Herêmî yê Demokratîke ya Şaran (HDP) û aktîvîsta Tevgerê Cinîyan ê Azadan (TJA) Sevîl Rojbîn Çetîn, 27ê hezîrana 2020 de Amed de sereştişê keyeyê ci de bi kutikan ameye îşkencekerdiş û dima ra ameye tepiştiş. Ewro 6in roniştişê dewaya aye 2yîn Dadgeha Cezaya Giran ya Wanî de ameye vînayîş. Keyeyê Rojbîne, hemserêkê HDPyî yê Wanî Handan Karakoyun û hemşaredara Erdîşî ke vera ci qeyûm ameyo tayînkerdiş Yildiz Çetin û xeylêk kesî beşdarê roniştişî bî.

 

Rojbîn Çetîn Zîndanê Tîpê Dyê Amedî ra bi rayîrê SEGBÎSî tewrê roniştişî bî û bi kurdkî pawitişê xo kerd. Rojbîne pawitişê xo de îdiayê ke ameyê kerdiş red kerd û waştişê tehliyeyê xo kerd.

 

Avûkate Ekîn Yeter pawitişê Rojbîne kerd û îdiayê ke ameyê kerdiş red kerd û waştişê tehlîyeê ci kerd.

 

Dimayê pawitişî heyetê dadgehe roniştiş taloqê 17ê sibata 2022yîne kerd.