Rojda Aydin 

 

ŞIRNEX - Welatiyê Şirnexî, semedê kêmbîyayîşê hûmara doktoranê Nêweşxaneyê Dewlete yê Şirnex, Cizîr, Hezex, Slopî û Qilebanî bi problemê xidarî dir rî bi rî manneê. Semedê krîzê ekonomî zî nêeşkenê şêrê teberê bajarî yan zî şinê nêweşxaneyê taybet. Welatî û bi taybetî zî kedkarê weşîye wazenê ke şert û mercî ganî bêrê vurnayîş.

 

Nêweşxaneyê Dewlete yê Şirnex, Cizîr, Hezex, Silopî û Qilebanî hûmara doktoran kêmî ya û no çi tesîr serê welatijan de keno. Welatîyê ke mecbur ê serê sîstemê rendevuyî (MHRS) de dore bigîrê, bi probleman dir rî bi rî manenê. Sewbîna xeylêk welatî semedê na rewşe verê xo danê bajaranê derûdorî yan zî nêweşxaneyê taybetî. Bi taybetî zî cinîyê di ganeyî na rewşe ra gerreyox ê. Verê nê de tesîrê krîzê îmkan nêdano ke şêrê nêweşxane yan zî klînîkê taybet. Şirnex de 13 klînîkê welidnayîşî estê la cinîyê diganeyî nêeşkenê şêrê.

 

'Îmkanê mi çin ê ez şêrî bajarê bînan' 

 

H.A. Silopî de ciwîyena dîyar kerd ke diganeya û nêeşkena randevû bigîro û vat: "Bi mengêke yo semedo ke bieşkî şêrî nêweşxane beşê welidanyîşî û nêweşxaneyê cinîyan de hewl dana ke randevû bigîrî. Hende îmkanî estê zî la semedê safîkerdişê problemî çîyêk nîno kerdiş. Semedê rewşa cinîyê ke diganeyê keweno tehluke, ganî nê rê çareyêk bivînê. Ez nêeşkena randevû bigîrî, Şirnex de zî eynî çî esto. Hem qeza û hem zî bajar de hûmara doktoran kêmî ya. Îmkanê mi çin ê ke ez şêrî bajarêk bîn. Prosesê ke krîzê ekonomî esto ez o şêrî klînîkê taybet. Cinîyê ke welidnenê zî şawenê bajaranê derûdorî."

 

'Ezo senîn şêrî nêweşxaneyê taybetî' 

 

R.T. ke Cizîr de ciwîyena wina vat: "Ez kewena sîstemê MHRSî la nêeşkena randevûyê bigîrî. Di mengî yo ez hewl dana ke randevûyê bigîrî. Semedê krîzê ekonomîye ra ez nêeşkena şêrî nêweşxaneyê taybet. Şirnex de pêroyî cinî nê problemî ciwîyenê. Semedo ke tîya randevû çin o, ma mecbûr şinê bajêranê derûdorî. Yan zî mecbûr verê xo danê nexweşxaneyê taybet. Ma wazenê ke ganî na rewşe rê çareyêk bêro vînayîş."

 

'Semedê şertê xirabî doktorî îstîfa kenê' 

 

Sekretera Cinîyan ê Sendîkayê Kedkarê Xizmetê Komelî û Weşîye (SES) ê Şirnexî Hatûn Magî zî wina vat: "Şirnex de xizmetê weşîye tay mendo ke birijîyo. Şirnex û qezayê ci semedo ke kêmîyê doktoran, welatî neêşkenê şêrê nêweşxaneyan û randevûyan bigîrê. Mecbûr verê xo danê bajaranê derûdorî. Nufûsê Şirnexî ke resayo  537 hezar û 762, nika herême de tena doktorêke welidnayîşî û nêweşîyan esto. Dewlete doktoran tayîn kena. Labelê semedê şert û mercê xirap îstîfa kenê û şinê. Semedê şert û mercê zehmetî nêwazenê tîya de bimanê. Her ware de kêmîyê doktoran esto. Ganî  dewlete şert û mercê xebatkarê weşîye baş bikero. Xebatkarê weşîye nêeşkenê binê şert û mercê xirabî de biciwîyê, şar zî problemê doktoran ciwîyeno. Şirnex de xizmeta weşîye rijêno. Ganî ma nê ra vajê bes o."