STENBOL - Raywana Keştîya Azadîye, Sylive Jan ke îdarekara Komeleya Paştdayîşî ya France-Kurdistanî yê dîyar kerd ke kurdî ameyoxê dinya temsîl kenê û dîyar kerd ke demê azadîya fîzîkî ya Ocalan ameyo. 

 

Înîsiyatîfê Ocalanî Rê Azadî çarçewaya kampanyaya “Demê ci ameyo, Abdullah Ocalanî rê Azadî, Kurdistanî rê Aştî” 8ê teşrîna peyêne de bi Keştîya Azadîye Lavrio ke bajarê Atînayê Yunanîstan ra kewtibî rayîr û 12ê teşrîna peyêne de resabî Napolî yê Îtalya. Enternasyonalîstê ke 9ê teşrîna peyêne Atîna ra kewtî rayîr û 12ê teşrîna peyêne de resa Napolî. Îdarekara Komeleya Paştdayîşî ya France-Kurdistan Sylvie Jan ANFyî rê qisey kerd û diyar kerd ke amancê înan azadîya Rayberê PKKyî Abdulah Ocalanî û heme tepişteyê sîyasî yo.

 

'Ganî Abdullah Ocalan bêro veradayîş'

 

Sylive, dîyar kerd ke kurdî ameyoxê dinya temsîl kenê û wina vat: "Semedê aştî berpirsyarî keweno serê milê her kesî. Semedê mi çira  girîng o? Lazimîyê şarê kurdî, şarê Rojhelatê Mîyanên, dinya û lazimîyê ma hemine bi aştî esto. Bîyo lazimîyêk lezgîn ê global. Timî vatişê, 'problemê kurdî' yenê xebitnayîş. Labelê problemê kurdî ney, safîkerdişê kurdî esto. Kurdî problem nîyê, kurdî cewab ê. Xeylêk rey ez şîya serdayîşê Tirkîya, vakur, rojawan û başûrê Kurdistanî, her kesê ke rastê înan ameya waştişê 'aştîye' kerdê. Aştî semedê ma safîkerdişê mende yo, ganî waştişê  kurdan ê semedê veradayîşê temsîlkarê xo bica bîyarê. Ganî Abdullah Ocalan bêro veradayîş û prosesê dayîşûgirewtişî bêro destpêkerdiş.

 

Şarê kurdî semedê dinya çimeyêk taybet ke rayberîya projeyêk demokratîk, ekolojîk û femînîst rê keno. Bi vînayîşê mi şarê kurdî semedê dinyaya ma ya newe temsîliyetê ameyoxî keno. Semedê nê ganî paştdayîşê bi şarê kurdî dir bêro xurtkerdiş. Semedê nê zî ganî Abdullah Ocalan bêro azadkerdiş. No kilîd ganî bêro şikinayîş. No zî destê welatijê dinya de yo. Ez zî mîyan de, coka tîya ya. Bi azadîya Ocalan dir ganî no kilîd bêro parçekerdiş û PKK lîsteyê 'rêxistinê terorîstî' ra bêro vetiş. Semedê nê ganî hewldayîş bêro kerdiş.

 

Nê serdemî de muxalîfî sey terorîst yenê binamekerdiş. Dewlete nêwazena înan nas bikero, înan mehkûm kena. Labelê no tarîx do eksê ci bibo. Selahattîn Demîrtaş vano 'dewran do agêro.' Belê, temsîlkarê ke mohrê 'terorîstî' înan rê ameyo kerdiş, sey Mandela do wareyê mîyanneteweyî bibê ê kesî ke semedê înan çepikan danê piro. Rolêk ma hemine esto. Derya de ma sey dilopêk ê. Ganî ma rolê xo bi ca bîyarê. Semedê ameyoxê dinya, semedê aştî ganî ma rolê xo bi ca bîyarê. No ameyoxê ma hemine yo."