Nişmiye Guler

 

STENBOL - Cigêrayoxa femînîst a Uruguayî Florencîa Guarach dîyar kerd ke felsefeyê Rayberê PKKyî Abdullah Ocalan rastîyê dinyayêke newe vejeno werte û vat, tecrîdê serê Ocalanî binpaykerdişê heqê merdiman o, heta nêro verdayîş aştîyêke mende zî mimkin nîyo.

 

Tirkîya de pêwa heme reaksîyonê vera  tecrîdê giran yê serê Rayberê PKKyî Abdullah Ocalanî israrê xo dewam kenê û seranserê dinya de zî vera nê çalakî dewam kenê. Na çarçewayî de bi vengdayîşê Înîsiyatîfê seba Abdullah Ocalan Azadî, nêzdîyê 40 aktîvîstî Keştîya Azadîye espar bî û bi waştişê azadîya Abdullah Ocalanî 9ê Teşrîna peyêne de Atînayê Yunanîstanî de kewtê rayîr û 12ê teşrîna peyêne de ver bi bajarê Napolî yê Îtalyayî kewtî rayîr. Aktîvîstê ke fikrê Abdullah Ocalanî pawenê, waştiş kerdî ke ganî Ocalan bi hawayêke fîzîkî bireso azadîya xo.

 

Yeno pawitiş ke aktîvîstî prosesê  ameyox de bi bername û çalakîyê xo waştişê xo bîyarê ziwan û ma derheqê babete de bi aktîvîsta Keştîya Azadîye cigêrayoxe femînîste ya Urugayî Florencîa Guarch dir roportajêk kerd.

 

*Ma wazenê to na sbikerê. Ti eşkena tay qalê xo bikerê? 

 

Nameyê mi Florencîha Guarch a. Ez Brezîlya de ciwîyena. Cigêrayoxa yê femînîst û enternasyonalîste ya  Urugayî ya. Nika Brezîlya de UFRGS’de (Federal University of Rio Grande do Sul)  beşê Zanistê Sîyasetî de doktora kena. Lîsansê xo serê tevgerê cinîyan ê kurdî û fikrê Abdullah Ocalanî û jîneolojî de cigêrayî kena. Ez Komîteyê Paştdayîşê Têkoşînê Kurdan ê Porto Alegre xebityaya û beşêkê cigêrayîşî serê çapemenîya dijîtalî de pare kena.

 

*Ti pêwa xeylêk aktîvîstan tewrê çalakîya Keştîya Azadîye bîya. Amancê to yê tewrbîyayîşî çi bi?

 

Sey cigêrayoxêke mîlîtan tewrbîyayîşê ma lazim o. Xebatê min ê akademîkî serê cuya rojane yê merdiman esto. Semedê nê nêeşkaya embazanê xo yê Kurdan ra dûr bibî. Mimkin nêbi rewşa tepişteyê Kurdan nêvînê. Sey cinîyêke Brezîlya ra ameya, hetê ke şibnayîşê welatê mi û Tirkîya vînena. Merdimê ma bi krîzê komelî, ekonomî û sîyasî dir rî bi rî yê. Kiştişê cinîyan zêde bîyê. Heme kesê ke têkoşîm kenê azadî û aştî hema zî wazenê.

 

'Mi 2015 de fikrê Ocalanî nas kerd' 

 

*Ti nêzdî ra bi fikrê Abdullah Ocalanî ra eleqedar bena. Ti key fikrê ci ra xeberdar bîya?

 

Mi 2015 de demê ke cigêrayîşê lîsansî kerdêne mi fikrê Abdullah Ocalanî nas kerd. O wext Komîteyê Pşatdayîşê Têkoşînê Kurdî de mi ca girewt. Ma broşurê ‘Azadkerdişê cuye: Şorişê cinî’ yê Ocalanî nuşto Portekîzî ra açarna. O wextî ra bi merdimê Brezîl û Portekîzî dir serê açarnayîşî de xebutyena. Semedê nê hewl dana ke kitabanê Ocalanî biwanî.

 

*Parekerdişê ci yê derheqê  Abdullah Ocalanî de yê serê çapemenîya komelî de ameyî astengkerdiş. Şima nê girêdayê çi vînenê?

 

Çi heyf serê facebookî de fotografêke  Ocalanî ke azadîya ey waştêne ame astengkerdiş. Fotograf aydê çalakîya Keştîya Azadî bi. Semedê nê mi dewaya kurdî verê rayaumumî de da verê munaqaşekerdişî.

 

* Abdullah Ocalan 22 serrî yo yeno tecrdîkerdiş. Ti nêzdîbîyayîşê Tirkîya senîn vînena?

 

Tecrîdê serê Abdullah Ocalanî binpaykerdişê heqê merdiman o.  Tecrîdê serê Abdullah Ocalanî, zulm û tedayê hemverê HDPyî nîşan dano ke ku demokrastî Tirkîya de çin a. No nêzdîbîyayîşê dewleta tirkî şermo pîl o. Ganî semedê rewşa Ocalanî heme aktîvîstê heqê merdiman û sîyasî yê bikerê tevger.

 

*Azadiya Abdullah Ocalanî semedê şaran û bi taybetî semedê to çira girîng o?

 

Heta Ocalan nêro verdayîş  aştî û muzakereyêk adîlane mimkin nîyo. Semedê nê ganî waştişê veradayîşê Ocalanî bêro kerdiş û rewşa bi tehluke ya tepişteyê sîyasî ci de yê bêro îfşakerdiş. Semedê nê ma ameyî têhet. Pêşnîyazê Ocalanî semedê şarê Başûrî Globalî xeylêk girîng o. Cîyayîyê mabêne Brezîlya û Kurdistanî bibê zî xeylêk nuqtayê têkoşîn û xeyalê ma yê hempar estê. Semedê nê mi xo têkoşînê kurdî de dî. Semedê nê ê dinyayêke newe bawer kenê û semedê nê têkoşîn kenê."