STENBOL - Platformê Cinîyan ê  25ê Teşrîna Peyêne seba rayrayîşê 25ê Teşrîna Peyêne do siba Mijdarê Taksim Tunelî de bêro kerdiş, amade yo. Endama platformî Ruya Kurtuluş semedê vajo, "raperînê ma nêqedîyayo" cinîyan dawetê meydanî kerd.

 

Platformê Cinîyan ê 25ê Teşrîna Peyêne sey her serre do emsar zî Taksim Tunelî de bi cinîyan dir bêro têhet. Platformî aşmêke verê dest bi xebate kerd bi sloganê, "Hemverê şîdetê camêrdan, dewlete raperînê ma peynî nêbîyo, dewam keno. Semedê cuya xo ma xo ver bidê" do rayrayîşê xo bikero. Platform semedê beşdarê serê hesabê medyaya dîjîtalî zî veng da cinîyan.

 

Endama Platformê Cinîyan ê 25ê Teşrîna Peyêne Ruya serê girîngiyê 25ê Teşrîna Peyêne û têkoşînê cinîyan de qisey kerd.

 

'Ma do emsar zî bi eynî vengdayîşî Taksîm de kom bibê' 

 

Ruya dîyar kerd ke nêzîdyê aşmêke yo semedê 25ê Teşrîna Peyêne xebityenê û wina vat: "Platformê Cinîyan ê 25ê Teşrîna Peyêne her serre hemverê şîdetê camêrdan Taksim Tunelî de cinîyan dir yeno têhet. Ma do emsar zî bi eynî vengdayîşî Taksim de kom bibê. Erdoganî bi sereyê xo qerar da û semedê Pêkerdişê Stenbolî ant. Ma zî nê şertan de amadekarîya 25ê Teşrîna Peyêne kenê. Roja munaqeşeyê antişê Pêkerdişê Stenbolî ame kerdiş ma kuçeyan d eyê. Nê prosesî de ma tewr zêde bi  rêxistin bî. Semedê ma Pêkerdişê Stenbolî peynî nêbîyo. Ma do nê vatişê xo 25ê Teşrîna Peyêne de zî bikerê."

 

'Cuya cinîyan her ke şina xidar bena' 

 

Ruya dewam de wina vat: "Tirkîya semedê cinîyan her ke şina tewr xidar bena. Heqê cinîyan ke amebî bidestkerdiş hetê AKP-MHPyî ra yenê xespkerdiş. Bi pandemî dir krîzê ekonomî zî kûr bi û nê dir cinî tewr feqîr bî. Semedo ke Tirkîya de destheq sey yewbînan nîyo, coka di cinîyan ra yew bêkar a. Cuya cinîyan bi tewirê şîdetî dir ameya ablûqakerdiş û bi hêzê camêrdî polîtîkayê îqtîdar û patriarkan ra gênê cuya cinîyan tewr xidar bena."

 

Vengdayîşê semedê 25 Teşrîna Peyêne 

 

Ruya veng da cinîyan û wina vat: "Ma do 25ê Teşrîna Peyêne de saete 19.30 de Taksim Tunelî de bê. Semedê têkoşînê cuye ma veng danê  pêro cinîyan ke beşdarê nê çalakî bibê."