STENBOL - Buroyê Huqûqî yê Asrinî seba ke bieşkê "bi lezî" Rayberê PKKyî Abdullah Ocalanî û tepişteyanê bînan ê Îmraliyî bivîno muracatê Mehkemeya Înfazî ya Bursa kerd.

 

Goreyê xebera Ajansê Mezopotamya Buroyê Huqûqî yê Asrinî seba ke bieşkê "bi lezî" Rayberê PKKyî Abdullah Ocalanî û Omer Hayrî Konar, Hamîlî Yildirim û Veysî Aktaşî  bivînê muracatê Mehkemeya Înfazî ya Bursa kerd.

 

Avûkatanê buroyî pare kerd ke 8 mengî yo ê nêeşkayî Abdullah Ocalanî û 3 muwekîlanê bînan ra xebere bigêrê coak zaf qerqilîyenê. Avûkatan mehkeme ra waşt ke peynîya rewşa bêxebermendinî bîyara û bikera ke ê bieşkê muwekîlanê xo bivînê.

 

Rayberê PKKyî Abdullah Ocalanî serra 1999î ra nata Îmrali de tecrîdkerde yo. Muracatê avûkatan bi hawayêkê keyfî yenê redkerdene.