MERKEZÊ XEBERAN - RJAK, bi wesîleyê 25ê Teşrîna Peyêne, xeylêk wendegehê Kerkûkî de rêzesemînaran organîze kerd û bale nat serê şîdetê hemverê cinîyan.

 

Semedê 25ê Teşrîna Peyêne Rêxistinê Cinîyê Azadîwaştoxê Kurdistanî (RJAK) bajarê Kerkûkî de çend wendegehan de rêzesemînaran organîze kerd û bale ant serê têkoşînê hemverê şîdetî û ayakerdişê keyeyî. 

 

Çarçewaya çalakî de RJAKî Wendegehê Qendîlî, 11ê Adare û Çarçira û wendegehê camêrdan ê bi nameyê Gizîng û Qazî Mihemedî de rêzesemîner organîze kerd.

 

Semînarê ke hetê endamanê RJAKî ra ameyî dayîş de bale antî serê girîngî û tarîxê vejîyayîşê a roje. Sewbîna derheqê tewirê şîdetî û senî eşkenê vera şîdetî têkoşîn bêkerê û safîkerdişî ser o munaqeşeyî ameyî kerdiş.