Rojda Aydin

 

ŞIRNEX - Dayîkê Aştîye ke reaksîyon vera caardişê PDKyî yê desteserkerdişê cenazeyê HPGyîjan kerdî, vend dayî Mesût Barzanî û wina vatî: "Peynî nê rijnayîşê gonîya kurdan bîyarê û cenazeyê tutê dayîkan teslîmê înan bikerê."

 

Hêzê çekdarî yê tirkî bi hemkarîya PDK 23yê nîsane de hêrişê başûrê Kurdistanî kerdibî. Hêrişê dewleta tirkî yê serê na herême dewam kenê. Netîceyê nê hêrişê ke tewr zêde Zap, Metîna û Avaşîn de dewam kenê, 28-29ê Tebaxe de herêma Xelîfanî ya başûrê Kurdistanî de 7 HPGyijî kerdibî dafike û netîceyê dafike de 5 HPGyîjan dinyaya xo bedilnabî. Cenazeyê gerîlayê HPGyijan teslîmê keyeyê înan nînê kerdiş. Keyeyê HPGyîjan û bi taybetî zî dayîkî semedê ke cenazeyê tutanê xo Başûr ra bigîrê verê Berê Sêmalka de dest bi çalakîya nobete kerdibî. Çalakî verê berî de dewam kena û paştdayîşê semedê dayîkan her ke şino pîl beno.

 

Endamê Meclîsê Dayîkê Aştîye zî bi amancê paştdayîş bidê dayîkê verê berê sînorî, reaksîyon nêdayîşê cenazeyan dayî.

 

'Çi cenazeyan ra wazenê?' 

 

Dayîka Aştîye Bahar Çal, waşt ke şer vindero, cenazeyî bêrê dayîş û wina vat: "Kezeba ê dayîkan xeylêk veşêna. Kezeba ma dayîkan semedê heme kesan veşêna. Ma Barzanî şermezar kenê. Wa serê nameyê kurdbîyayîşî de xo ra şerm bikerê. Cenazeyan ra çi wazenê? Wa cenazeyê tutanê înan bidê înan. Ê dayîkî bi rojan o verê berê Sêmalka de çalakîya nobete de yê. Wa dayîkî êdî dej nêancê. Wexto ke ma verê vatêne Barzanî xeylêk serberz bîne. Semedo ke birayêke ma wina bi. Ma nameyê tutanê xo dayîne ‘Mesût.’ Wexto ke şer serê înan de bi û tengasî de bî ma paştdayîş da înan. Wa kurdbîyayîşê xo rê şerm bikerê. Wa semedê berjewendîyê xo kurdan nêroşê. Barzanî hemkarîya Tirkîya keno. Eke PDKyî rayîr nêdayîne Tirkîya ewro nêeşkayîne bêro koyanê ma."

 

'Nê rayîrê şaşî ra agêre'

 

Bahare dewam de wina vat: "Sereyê ê dayîkan berz o. Barzanî wa ê dayîkan ra fedî bikero. Bi çend rojî yo verê sînorî de nobete gênê. Kezeba ê dayîkan vêşena. Hemverê zulmê PDKyî dayîkî xo ver danê. Eke xo ra fedî bikerê do cenazeyê ê dayîkan bidayîne. Ê tersenê ke do dayîkî û şar hemverê înan de sere werdano. PDK hemkarîya Tirkîya keno û coka cenazeyan nêdano. Her dayîke dejê dayîkêke bîn zana. Vengdayîşê mi Barzanî rê oyo ke nê rayîrê şaşî ra agêro. Xora destê înan kewto mîyanê gonî. La vera ke erey bimanê wa nê rayîrê şaşî ra agêrê. Wa ganî cenazeyê tutê dayîkan bidê."

 

'Ez xoverdayîşê dayîkan silam kena' 

 

Dayîka Aştîye Zeynep Begenîr zî xoverdayîşê dayîkan silam kerd û vat: "Ê dayîkî bi rojano sînor de semedê cenazeyê tutanê xo bigîrê, nobete de yê. Ê dayîkî, dayîkê aştîye yê. PDK çira cenazeyê tutanê înan nêdano? Wa bidê ke zerrîya dayîkan zî rehet bo û sereyê xo bidê serê başna senî rakewtê. Wexto ke kezeba merdimî cayêk de bo, ne hewnê merdimî yeno û ne zî zerrîya merdimî rehet a.  ne xewa mirov tê û ne jî dilê mirov rehet e. Ma heme serê herra Kurdistanî de ciwîyenê û ma hizûr û aştî wazenê. ê dijîn û em aştî û aramiyê dixwazin. Wexto ke verê PDKyî de şer ameyîne kerdiş, kurdê wayîr vejîyayî. Wa a roje bêro vîrê înan. Wa vengê dayîkan bieşnawê. Waştişê ê dayîkan oyo ke  cenazeyê tutanê xo bigîrê. Ê dayîkî zî wazenê serê xo herra tutanê xo. Waştişê ma dayîkan oyo ke azadî û aştî bi ca bêro. Ma Barzanî ra tena yewbîyayîş wazenê. Wa fek kayê lêşinan ra vera bido."

 

'Ma nê îxanetî xo vîr ra nêkenê' 

 

Zeynepe tewr peyîn wina vat: "Ma veng danê Barzanî ke nê rayîrê lêşin ra peyser agêro. Wa bêro serê rayîrê azadî û aştî. Wa kurdî yewbîyayîşê xo awan bikerê. Wa ganî cenazeyî teslîmê dayîkan bêrê  kerdiş. Ma tu wext îxanetê PDKyî xo vîr ra nêkerê. Ganî PDK nêbîne hemkarê dewleta tirkî. Ma nê îxanetî xo vîr ra nêkenê û ma zanê ke do dimayê şerê azadî û hizûr bo. Ma Barzanî şermezar kenê semedê ke dafike hemverê gerîla dayî ro. Rayîrê ma rayîrê azadîye yo. Ma nêwazenê zerrîya dayîkan bidejo. Wa cenazeyê tutan bidê înan. Çira PDK destûr nêdano dayîkî şêrê cenazeyê tutanê xo bigîrê."