ÎZMÎR - Cinîyê ke amadekarîya 25ê Teşrîna Peyêne dewam kenê, do semedê caardişê Pêkerdişê Stenbolî vengê xo berz bikerê. Meclîsê Cinîyan ê HDPyî yê Denîz Poyraze semedê bernameyê Denîz Poyraze eşkerayîya tewrbîyayîşî bidê.

 

Semedê 25ê Teşrîna Peyêne Roja Têkoşînî hemverê Şîdetê serê Cinîyan ê Mîyanneteweyî bernameyê tewir bi tewir kenê. Platformê Cinîyan ê Îzmîrî na çarçewa de 25ê Teşrîna Verêne saete 19 de do verê Merkezê Kulturê Leman ê Kuçeyê Kibris Şehîtlerî yê Alsancakî dest bi rayrayîş bikerê û ver bi Pastaxaneyê Sevînçî şêrê. Yeno pawitiş ke bi seyan cinî do tewrê ci bibê û rêxistinê cinîyan xebatan kenê.

 

Do dîyarîyê Denîz Poyraz bikerê

 

Meclîsê Cinîyan ê HDPyî yê Îzmîrî 25ê Teşrîna Peyêne de bi sloganê, 'Hemverê şîdetê camêrdan, şer û feqîrî ma her ca de yê' meydanan de bê. Meclîsê Cinîyan ê HDPyî startê bernameyan 19ê Teşrîna Peyêne de do bi eşkerayîya verê OSYMê Alsancakî bidê. Endama Meclîsê HDPyî Tulîn Tumer vat, do 25ê teşrîna peyêne dîyarîyê Denîz Poyraz ke hêrişê hemverê HDPyî yê Îzmîrî de ameye qetişlkerdiş, bikerê û wina vat: "Qetîlkerdişê Denîze hem şîdetê camêrdam hem ê dewlete yo. Ma heme kongreyanê xo dîyarîyê ci kenê. Parlamentera ma Meral Daniş Beştaş û temsîlkara hevserekîya berpirsîyarîyê Komîsyonê Kede Şazîye Kose zî do tewr bibo. 23yê Teşrîna Peyêne de do cinîyan rê vilawikan vila bikerê. 25ê teşrîna peyêne de saete 14ine de do awanîya merkezê Îzmîrî de fîlmê ‘Kelebekler Zamani’ bê ro weşankerdiş. 25ê Teşrîna peyêne bi tewrbîyayîşê parlamentera ma Serpîl Kemalbay, psîkolog û embazêke avûkate forumêke bêro kerdiş."

 

Do çalakîyê vengdayîşî bêrê kerdiş 

 

Vervatoxa Paştdayîşê Morî Cansu Erkmen vat, paştdayîşê Morî do bi sloganê, ‘Heqê azadî, starbîyayîş weşî û azadîye hema nika’ startê 25ê Teşrîna Peyêne her taxe û qeza de bidê û vat: “Atolyeyê ma yê pawitişê cewherî dest pêkerdî. Do di mengî dewam bikerê. Ma babetê teorîk û pratîk bimusê. Bultenê ma yê 25ê Teşrîna Peyêne vejîya. Ma nê her ca de vila kenê. Ma kombîyayîşan de yenê têhet. Ma do Buca, Çîglî, Menemen û Uçyol de çalakiyan bikerê."

 

Do rayrayîş bêro kerdiş

 

Sereka Komeleya Paştdayîşî û Kulturê yê Buca EVka-1 (BEKEV) Neşe Gurgor zî vat do dovîzan binusê û semedê 25ê Teşrîna Peyêne skeç û koroyê cinîyan bikerê. Neşe dîyar kerd ke bernameyê 25ê Teşrîna peyêne de bi paştdayîşê îdarekarîyê herême û Platformê Cinîyan ê Bucayî rayrayîş ver bi Merkezê Paştdayîşê Ozgecan bikerê.

 

Komîsyonê Cinîyan ê Şubeyê Hûmara 2yê DÎSKî Sevgî Bîlîr zî dîyar kerd ke sey komîsyon do 24ê Teşrîna Peyêne de sey Dîsk Genelîş ê Îzmîrî verê Konak Pîer de bêrê têhet û bi lingê warway rayrayîş bikerê ver bi Sumerbankî û panel û tîyatro kay bikerê.

 

'Ma do vajê ke Pêkerdişê Stenbolî ê ma yo' 

 

Tora Pawitişê Cinîyan ra Gîzem Çoşkun vat, dest bi atoleyeyê hîkayeyan ê kitabê ‘Cinîyê ke bi vergan dir remanê' arêdayê û hewteyê bêro zî bi vengdayîşê 'bihêzbîyayîşê kolektîf' bi Partîya cinîyê Morfest dir xebatanê xo dewam bikerê. Gîzeme vat, vilakerdişê buroşuran dewam kenê û vengdayîşê înan ê 25ê teşrîna peyêne do ‘Ti, ez û ê ma pîya xo ver dbidê' bibo. Sewbîna vat, do vatişê xo yê ‘Pêkerdişê Stenbolî yê ma yo’ her tim bîyarê ziwan.