MERKEZÊ XEBERAN - Xebatkarê rojnameyê Newaya Jin Liege û Essen de wendoxan reyde roniştî.

 

Xebatkaran venga kurdîstanijan da ke dezgehanê çapemenîye yê tirkan boykot bikerê ke vurîyayê merkezê şerê taybetî.

 

Kombîyayîşê Liege hetê Meclîsê Cinîyan ê Ronahî ra ame serûberkerdene. Kombîyayîş de Newaya Jin ra Ronî eylem qisey kerd.

 

Eyleme da zanayene ke dezgehê çapemenîye yê tirkan vurîyayê merkezê şerê taybetî û vat ke ganî nê dezgehî bêrê protestokerdene. Eyleme qala girîngîya rojnamegerîya cinîyan kerde.

 

Kombîyayîşê Essenî

 

Kombîyayîşê Essenî hetê Meclîsê Cinîyan ê Bêrîvane Şengal ra ame serûberkerdene. Kombîyayîş de nameyê Newaya Jin ser o Ulkeme Zeremya qisey kerd.

 

Ulkeme qala dezgehanê çapemenîye yê tirkan kerde û venga pêro kurdîstanijan da ke nê dezgehan boykot bikerê. 

 

Ulkeme waşt ke wa cinîyî bibê kedkarê zerrîwazî yê çapemenîya cinîyan.