ŞEHBA - Zelîxe Welîd Omer ke serrêke û nîm o zîndanê Efrînî de binê kontrolê dewleta tirkî û komê girêdayê ci de yo, mende û seba îşkence û tecawuzî dir rî bi rî mende hişê xo vînî kerde.

 

Binpaykerdişê heqan Efrîn de binê kontrolê dewleta tirkî û komê girêdayê ci de yê dewam kenê. Goreyê çimeyê herême îşkence û tecawuzê ke cinîyan rê yeno kerdiş, bê ceza maneno. Sewbîna cinî her tim yenê remnayîş û semedê nê zî fîdye yenê waştiş. Nê cinîyan ra yew zî  Zelîxe Welîd Omera zewicnaye û wayîrê tutêke bî. Zelîxe ke dewa Rîtayî ya giredayê Mabetayî ya Kantonê Efrînî de ya û 30 serrî ya, serrêke û nîm zîndanê Efrînî de manena. Dimayê îşkenceyê ke Zelîxe rê yenê kerdiş, hişê xo vînî kena.

 

Xeylêk kesî ameyî remnayîş 

 

7ê Hezîrana 2020î de Zelîxe Welîd Omer û keyeyê ci hetê koma bi nameyê "Cebiha El-Şamiyê" ke girêdayê dewleta tirkîyê yena remnayîş. Zelîxe pêwa tut û mêrdeyê xo Cengîno 32 serre yena remnayîş. Zeyneb Ebdo ya 60 serrî û mêrdeyê ci Osman Mecîd Nasano 65 serre pêwa pêwa tutanê xo hetê komê Efrînî ra ameyî remnayîş. Reyna Mihemedo 28 serre pêwa tutan û cinîya xo nameyê ci Ceylan Hemelo ya ameyê remnayîş. Sebebê remnayîşî zî sey têkiliyê bi Îdarekarîyê Xoserî dir ameyo ramojnayîş.

 

84 cinî ameyî qetilkerdiş

 

Rêxistinê Komelê Sîvîl yê Efrînî raporê peynîya teşrîna peyêne ya îşkenceyê serê cinîyan ê hetê komê girêdayê dewleta tirkî eşkera kerdibî. Rapor de îşkenceyê 18ê Adara 2018 ra heta nika yê ke Efrîn de qewimyenê ameyî eşkerakerdiş. Rapor de ame eşkerakerdiş ke mîyanê 3 serran de 84 cinî ameyî qetilkerdiş. Ame vatiş ke 6 cinî semedê ççîyê ke ciwîyayê peynîya cuya xo ardê û tecawiz 71 cinîyan ameyo kerdiş.

 

Tebaxa 2021 de Zelîxe Welîd Omer û Zeyneb Ebdo yenê veradayîş la hema xebere mêrde û merdimê Zelîxe ra nîna girewtiş. Goreyê keyepelê "Efrîn Post" dewleta tirkî  destpêkê dekewtişê Efrînî heta nika heqê cinî û tutan werda û reyke bîn sucê derheqê cinîyan û tutan de kerda.

 

Verê çimanê aye de îşkence tutê ci rê kerdî

 

Coka rewşa tutê Zelîxe û rewşa hîn tutê bînan yê ke keyeyê xo dir amebî tepiştiş, hema dîyar nîyo. Labelê dewleta tirkî nê çî înkar kena. Goreyê dîmenê serê keyepelê  "Zemen El- Wesil" yê girêdayê komê "Cebel Şamiyê" yo, ameyo weşenayîş rêçe û birînê serê bedenê Zelîxe ke îşkence ra ameyîne vînayîş. Goreyê xeberanê herême zî yeno vatiş verê çimanê Zelîxe de îşkence tut û mêrdeyê ci rê ameyo kerdiş. Nika dîyar nîyo ke tut ça de yo. Semedê îşkence û vînîbîyayîşê tutî  Zelîxe hişê xo vînî kerdo.