AMED - DAKAPî Amed de bi eşkerayîyêke startê çalakîyanê 25ê Teşrîna  Peyêne da. Hemsereka HDPyî ya Amedî Gulîstane Atasoy eşkerayîye de qisey kerd û vat: "Rayîrê ma rayîrê azadîye yo. Wa pêro cinîyî tewrê têkoşînî bibê."

 

Platformê Cinîyan ê Amedî yê Dîcle (DAKAP) bi eşkerayîyêke startê çalakîyanê 25ê Teşrîna  Peyêne Roja Têkoşînê Vera Şîdetê Serê Cinîyan da.

 

Eşkerayîye ra verî cinîyan şubeyê PTTyî yê Ofîsî ra cinîyan ê tepişteyan rê kartê paştdayîşî şawitî dima zî Vervatoxa DAKAPî Çagla Îzcî bernameyê aktîvîte û çalakîyan ê 25ê Teşrîna Peyêne eşkera kerd.

 

Eşkerakerdişê bernameyî ra dima Hemsereka HDPyî ya Amedî Gulîstane Aksoy qisey kerd û bale ante ser ke bi hezaran cinîyî hetê hişmendîya serdestîya camêrdan ra kişîyenê, tepişîyenê û maruzê şîdetî manenê. Aksoye vat: "Ma vera na hişmendîye apey gamêke zî nêerzenê. Ma venga pêro cinîyanê Amedî danê ke wa tewrê nê aktîvîte û çalakîyan bibê, vera hişmendîya serdestîya camêrdan pîya têkoşîn bikerê. Rayîrê ma rayîrê azadîye yo. Ma pêro embazanê tepişteyan rê kartî şawitî, dêsî do pê ma  nêeşkê û bawerîya ma do ca bera. Ma do qetî waranê azadan de bêrê yewca."

 

Eşkerayîye pê sloganê 'Cinîye, Cuye, Azadîye' qedîyaye.